جرحي عميق

مشكورة يالله الجنة
بس ليه الناس كذا ظالمين يعني مطلقة وش فيها ليه المجتمع دايم ماسك علينا كل صغيره وكبيره ويتجاوز كل شئ عن الرجل يعني ما أتكلم عن نفسي اذا وحده ما ارتاحت لزوجها وطلبت الطلاق يبقى الطلاق وصمة عار عليها لييييييش اثنين ما توفقوا مع بعض يعني موملائمين لبعض ايش العيب لو تطلقوا وكل شاف حياته مو معنى ان المرـأة طلبت طلاق ان في زوجها شئ والعكس بس يمكن هي او هو تبي او يبي أشياء ماهي موجوده بالشريك
يعني الرجل الي اشوفه أنا مثلا مو مناسب لي أبدا يمكن يكون هو فتى الأحلام لغيري والعكس الناس يختلفون في ميولهم

والله بنات أسعدتوني والله ما كنت أتوقع بلقى هذا الاهتمام لكن صدق رب اخ لك لم تلده أمك لقيت منكم اهتمام والله مالقيته من اهلي الي طول الوقت بس بغرفتي مع همومي لحالي جيت قبل شوي من المدرسة لقيت هذا الكم الهائل من الردود الله يعطيكم العافية أنا والله اكثر شئ كنت محتاجة أحد اشكيله افضفض الي بداخلي بس والحين والله أحس براحة كبيره أحس ان فيه احد مهتم بي وتهمه سعادتي الله يعطيكم العافية وحقيقة أنا اتشرف بمعرفتكم وان شاء الله نبقى كذا قلوبنا على بعض على طول

هلا مدللـة دوم ان شاء الله مدلله تصدقين كل ما اجي بكتب اخاف تنطين من الشاشة مثل ما قلتي وتخنقيني :icon33:
بخصوص كلامك فوق لا والله كنت احبه بجنون بس الي خلاني ارفض أعطيه معلومات هو الخوف من كثر ما نسمع مشاكل وبلاوي صرنا نخاف وما نثق حتى في أغلى من نحب

تصدقيني أتمنى أتمنى أنه يكذب علي تدرين ليه لانه اذا صار كذا أقدر انساه على طووول بس هو ما يخليني بحالي يرسل رسائل بين فتره وفتره ليه طيب ما يحبني ليه يتلاعب بمشاعري وش مصلحته

تقولين انا صحيح أخطأت ولكن لا تصل الى حد الخيانة أجل وش تسمين كلامك وتبادلك الغزل مع رجل لا يحل لك وانتي امرأة متزوجة (اتقي الله )وابتعدي عن هذا الذئب صدقيني هو الان يريد يخرب عليكي حياتك فقط وأول ما تطلقين بيتركك وحينها لن ينفعك الندم 0

مشكورة والله يجعل حياتك كلها حب وسعادة
تدرين الصغير والكبير يقول لي ما تبينه ليه وافقتي عليه؟؟ وهم والله معهم حق بس أنا خفت أني أرفضه وبعدين أندم لأن مثل ما قلت في بداية كلامي أنه ما فيه سبب يخليني أرفضة
وبعدين انا حاولت أني أتعامل معه على أساس أنه الانسان الي حبيته قلت راح اعتبره هو واحبه على هذا الاساس لكن ما قدرت مشاعرنا ماهي بيدينا
بعدين أنا احس أنه بارد صحيح يحبني ويموت فيني بس ما يعرف يعبر عن حبه لي عشان كذا انا دائم أقارنه بالي حبيته يعني ما أحس بحب بيني وبينه أحس أن علاقتنا رسمية وأحسه جدي ما يحب كلام الحب وكذا مستواه التعليمي متوسط وأنا خريجة كلية توقعون عشان كذا ؟؟؟ أحسه ما يعرف شئ اسمه حب ولا رومانسية احسه رسمي بمعنى الكلمة
وأنا اصلا أحس أني ما أتقبل منه كلام حب وكذا مدري ليه أحس اني ما أستسيغها منه مدري ليه