مين اللي تبغى تكسب اجر تدخل........................ عـــاجل يا بــنــات

السلام عليكم ورحمة الله وبركاتة

راح ادخل بالموضوع عالطول واللي عندها حل او تساعدني ولا تبخل علي

امس دقت صديقتي وكانت شبه منهاره ومحتطمة من حياتها ..تدرون انها بتدخل سن
الثلاثين ولسه ما تزوجت وقدامها اخواتها اللي اكبر منها داخلات الثلاثين وللحين ما تزوجوا..
البنت ما عليها كلام بنت ناس طيبة واجاويد وانا اعرف امها بالطيبه مافي مثلها
وحتى اخواتها ..المشكلة تقول كل من دخل بيتهم او اتصلوا عليهم ناس عشان يخطبون ويتفقون
ما يصير شئ .. يعنى اهل الولد ياخذون معلومات عنهم ويكون اتفاق مبدئ وكل الطرفين
مقتنع بالثاني ولما توصل للرسميه مايصير شئ.. وتكررت معهم اكثر من مرة.. وهي تقول مو ناقصها
شئ ولا ناقص اهلها بعد.. بس هي محتارة كثير ما تدري وش اللي يصير بالضبط برغم انها محافظه
على صلاتها وحتى قيام الليل وتكثر من الدعاء وماشاءالله لسانها رطب بذكر الله ومحصنه نفسها
وجتها احلام غريبه مثل حصلت شئ وراء بيتهم مثل السحر واصوات غريبة بالحلم لدرجة انها قامت تحصن بيتهم كل يوم وامها ماتقصر تخلي المسجل يقرء من داخل البيت..
وكانت تتكلم عن ناس من جماعتهم ما يحبون لهم الخير وهي شاكه انهم مسببين لها وحطين شئ لا قدر الله او ماشين على شئ وهالناس تشوفهم بالاحلام..
ومع العلم ان كل بنات قرايبهم البعاد والقراب تيسروا وشافوا حياتهم اللي اكبر منها واللي بعمرها واللي اصغر منها .. يعنى لا خطابات ولا روحات للمناسبات نفعت ولا ناس تذكرهم نفع....

فزعتكم با بنااااااااات الخير اللي تحبون الخير وتدورون عليه.. اللي عندها
رقم شيخ قرايته مباركه ومعروفه بالبركه وتجلب الخير لاهل البيوت
تعطوني اياه بالخاص على الاقل يقرء ببيتهم و عليهم..

وصدقوني راح يكون بموازين اعمالك ليوم الدين

5 تعليق 687 مشاهدة

شاركي في النقاش

سجلي الدخول لإضافة تعليق.

التعليقات

5
  1. لاحول ولا قوة إلا باالله..ياأختي خليها تروح لشيخ يقرا عليها وخليها تكثر من الإستغفار
    والله يشفيها ويخفف عنها ويرزقها ياااارب
  2. @lhko_aaly

    والله يااختي انا رحت للراقية ( بس اعطتني حاجات غريبة ادهن جسمي فيها وتعبت كثير تركتها ))

    أفضل شيء هي تقرأ على نفسها البقرة والاذكار والمعوذات .. الله يفرج همها وهم اخواتها .. عاجلا غير آجل

    ( طبعا ما أشكك في الراقاة ، لكن لازم تبحثي عن احد ثقة جدا جدا )
  3. @rosee

    اختي الحال من بعضه
    انا لمن دخلت الثلاثين صار عندي انهيار عصبي
    نفس الشي انا مو ناقصني شي الكلل مستغرب حتى شلون يالسه للحين
    والله اشوف بنات اقل بكل شي والله انهم ماشاء الله معرسات عندهم عيال بالمدارس بعد


    اختي شو نسوي المكتوب مكتوب
    انا ادعي ليل نهار ... انخطب بس مثل يجي يروح
    مرات اقول ليش انخطب بعد كل خطبه تصير لي مشاكل مع اهلي
    الكتوب مكتوب
    بالاخير مكتوب لي ما اعرس ... هذا هي النتيجه يجون الخطاب ما يجون لو مكتوب ما نعرس ماراح نعرس
    بس حساافة على الخطاب اللي يجون ويروحون ... بس عشان نتحسر عليهم ونبكي وكلما يجي خاطب كثر ما نفرح فيهم بالبدايه نحزن ونبكي انه ماصار لنا نصيب ونندب حضنا
    وناس ماشاء الله عمرهم ما انخطبوا يجي اول خطيب يطلع زي الفللللللللل ياخذها ويوديها بيتها يعززها ويكرمها ...
  4. @ryah_alghrb

    مرة الاخت اخصائية نفسية تاجرة بقسم العروض ابحثي بمواضيعهاوان شاء الله تلقينه
    نزلت موضوووووووع بأرقام الرقاااااااااة

    الله يفرجها عليهم يااااااااارب

تابعي تجارب أخرى من هذا القسم.