شوووفو هالمواااقف اللي حصلت للبعض في ليلة العمر اللي هي ليلة الدخله:icon28:
تعالو نشوووفها ونموووت من الضحك :42:
*******************************************
واحد في ليلة الدخله لما راح لعش الزوجيه .. يقول كانت الليله رومانسيه لأبعد الحدود والـ مالي المكان وفجأه وانا اسولف معها غلط باسمها بدل ماقول جواهر قلت هند !! وانقلبت الليله كحلي .. ومن يومها ولي الحين ثلاث سنين وهي تسال من هي هند اللي غلطت باسمها ليلة الدخله .. ؟
وهذا واحد شين مره يعني مهوب مره لكن مقاييس الوسامه ماره جنبه وكانت متعديه السرعه ومامداه ياخذ منها شي .. المهم وفقه الله ببنت مزيونه .. يقول :
في ليلة الدخله وكنا في قصر الأفراح .. وفي الزفه كنت ماسك المدام ونمشي قدام هالخلق .. ومادريت الا اسمع وحده تقول : وع وش هالشين وش طيحه بهالمزيونه يقول لي يومك والله خاطري لو اشوفها الحين كسرت راسها
وبعد حبيب قلبي الله يحفظه ومطفوق شوي لكن على نياته والحمدلله انها بعد متفهمه .يقول الليله الاولى على بالي مسكت مصارحه .. وقلت لها عن علاقاتي القديمه ومادريت الا الدموع اربع اربع .. يابنت الحلال شفيك شصار .. خلاص ماضي وانتهى .. ومافكت الا يوم قلت ابحلي الجلسه وشغلت شريط مباراة وشافتني وانا مكسور والاسعاف تشيلني وقلت على بالي بحنن قلبها علي .. : تدرين كم وحده اتصلوا يتطمنون علي
...........
وفيه أخوين معرسين على أختين يوم جا ليلة الدخله ويغلطون يدخلون الكبير على الصغيرة والصغير على الكبيرة ولا درو الا الصبح أنهم غلطانيين؟؟؟؟؟؟
واحد بيسوون فيه ربعه مقلب وهو راعي مقالب ويوم جا لليلة العرس وأمسكوه بلقوة وأحلقو شنبه من زينه شين وزاد شينه
وهذا واحد الله يذكره بالخير يقول : يوم اصبحنا ورحنا المطار بنسافر .. وركبنا الطياره وقعدنا نسولف وخذت الجوال تقلب في الارقام .. يوم شافت اسامي مره نوف ومره مشاعل ومره خلود وانا منهمك اسولف معها .. وتسألني وش هالاسامي وقلت لها جعل الطياره تطيح بي انهم اسامي محلات اتعامل معها
وهذا احدهم يقووول:arb:
فيه موقفين حصلوا بيوم زواجي
الأول وبعد ما مشوا الربع من بيتنا (الجنب) رايحين القصر وانزل من السيارة وانا رايح للمكان المخصص لي وجيت بانزل البشت على ورا علشان أعدل وضعي شوي بعد الربكة ما دريت الا واحد من هالمطافيق اللي وراي من عيال عمي يوطى طرف البشت وانا ماشي ... عاد تخيل وش صار وقتها
بعد ما كنت أحاول اضبط وضعي انحاس زود ! الموقف الثاني في نفس الليلة مع واحد من الربع مسوي فيها شقردي وبيجيب لي العشاء في البيت إذا رجعت مع العروس .. المهم قال لي عطني خبر إذا نويت تحرك من القصر علشان أسبقك واطلب العشاء .. وفعلاً رحت وأخذت البنية من جهة النساء واعطيه خبر .. وانا أجهز وضع السيارة مع الجماعة الا واشوفه طاير بسيارته .. قلت بعدي والله .... واروح البيت وربع ساعة الا وهو جاي وداق الجرس واكلمه من سماعة الباب قال ترا العشاء عند الباب ........ بروستد يحبه قلبك ....... وكثرت لك الثوم بعد علشانك تحبه..... ههههههههههههههههههههه حبك برص يالمحيزرة .... عشاء لعروسين بروستد ؟؟؟
المهم عرفت بعدين انه يرد على مقلب قد سويته له من فترة ونسيته وكان واعدني يرده عليّ .. وسواها والله هالطبل وفي أهم ليلة !
عاد واتصل على اخوي وقلت له بأسرع وقت رح للمحل الفلاني وجب ما لذ وطاب .... وياليته على هالحوسة البنت كلت والا ذاقت شي ... أبد والله .. ما غير عصير وحتى ما ذاقته إلا يوم طلعت برا الغرفة شوي .. والمصيبة أننا ماخذين على بعض في فترة الملكة .. وشلون لو اني من هاللي يعرسون على طريقة خذوه فغلوه! ------------
انتظرو البقيه فهناك المزيد المزيد خخخخخخخخخخخخخخخخ:42:
