تابع تجمع حوامل الشهر السابع والثامن والتاسع

هلا بالحوامل كيفكم ..
منى سلامتك ماتشوفين شر ان شاء الله..

شوق الفيافي شو اخبارج انشاء الله خفت الكحة انا كتبت لك اسم الدواء وايد زين للكحة ومكوناته اعشاب..
بصراحة انا ما ابغي حد وياي في الولادة بس ريلي الله يخليه حتى امي ما راح اقول لها صح بتزعل بس

ما ابغي اخليها تخاف وهي شوي تعبانه هل اليومين ...

والله انتو مرتاحين يا ام احمد هذه عادتنا وما نقدر نغيرها يعني ما اقدر استقبل ضيوفي بس بشوكلاته

عندنا منقود ..

.والله اذكر كانت جارتي فلسطينيه يوم كنت ساكنه في بوظبي ماشاء الله عليها ولدت وثاني يوم هي في البيت وتطبخ بعد وما عندها حد ولا خدامة وزوجها يساعدها وبعد اربعة ايام قالت بروح كارفور قلت لها ياحرام خلي البيبي عندي وين تودينه كارفور وحلفت عليها وخليته المسكين عندي كان الجو مطر وبرد ...

هاااااي.. انا توني راجعه من عند امي....

طلعنا مشينا الجو يجنن...... قلت لها لازم اتحسين ان بنتج حامل..... وراها وراها....

شوفوا اليوم عيال اختي بغوا يولدوني...... الله يغربل ابليسهم...انا كنت قاعده فالحوش مع امي وسوالف...وهم قاعدين يلعبون بكرسي ابوي المتحرك... واشوي الا ما اشوف غير هالكرسي اللي داخل فيني......... ااااااااااااااااااااااااااااااااااااااااه.......... بس الله ستر ظرب بعظمة الحوض وانا كنت حاطه يدي على بطني ويت الظربه في بطني.......... وامي اتصارخ وهم يضحكون....... وانا مت من شدة الظربه..............

اميرة.....

هاي الحرمه تطلبين منها واتوصل لج.... اي اكل في بالج اتسويه....محاشي وسلطات على كيفج....
والسندويتشات... عندج فواله سناك و ليبون كافيه اللي عدال باريس غاليري فالخالديه... تطلبين من عنده....
والعصاير احلى شي في محارة البحر....
واذا على القهوه....نحن انيب وحده اتصب مقهويه..... ما شاء الله عليها اتسوي كل شي حبة الحمرا والقهوه.. واتقدم بس لازم اتيبون وحده من الشغالات معاها عشان اتلحق اتقدم.... والشغاله تغسل لها...

واذا على الصحون... عندج هوم سنتر... احلى شي.. خذي طقم.. بس يكون السيت ماله كبير يعين 8 صحون من كل شي......والفناجيل والاكواب.... عندج محلات عبد الكريم في جمعية الميناء... وعندج ام سنس<<< عنده اكواب عصير رووووعه.....

واذا بغيتي شي... انا فالخدمه.......

بنات حبيت اسألكم ايش التطعيمات اللي ياخذها البيبي في المستشفى والتحاليل احنا آخر تحليل يسوونه بعد الولاده ب 72 ساعه ....ويعملون فحص للسمع والنظر وهذا كله في اليوم الثاني من الولاده يعني ما نقدر نطلع من المستشفى إلابعد يومين ونص بالضبط....انتوا شلون تطلعون اليوم الثاني على طول احنا ممنوع وإذا بتطلعين ما يسوونلج التحاليل والفحوصات بعدين ....والفحوصات هذي مهمه لأنهم يكتشفون اي مرض او عيب في البيبي من البدايه ويعالجونه .....