السلام عليكم ورحمة الله
كيف حالكم يا بنات المنتدى وحريمها
أولاً تسلمي يا بنت صلالة على هل الخلطة.... وهذي الخلطة دوم عمتي تخبرني عنها .... إنها منتشرة في صلالة... وكثير من يستخدمها.... وبخصوص النيلة، عمتي دوم تخبرني إن الحرمة لما تكون في الأربعين تصبغ نفسها بالنيلة وتلبس طاقة علشان لون النيلة... وبعد الأربعين تلق لق من البياض....
وبالنسبة للصبر... هي دوم تحط صبر بوجها تقول زين ويشد ويخلي البشرة حلوة
ثانياً...
أماسي البحر... تسلمي عيوني على ردك
ثالثاً...
وجه القمر....
مافي داعي تحكمي من نفسك كذا على بنات بلدي.... في عمان وفي كل دول الخليج فيه الأبيض وفيه الأسمر وفيه الأسود... وإنتي إذا شفتي كم وحدة مو معناته الكل كذا...
واذا السود بدأو يستخدموا هل الخلطات ... ففي كثير من الخليجيات والعربيات يستخدموا الخلطات الطبيعية والكيميائية للوجه وللجسم علشان بس يكونوا بيض.... فرجاءً راعي كلامك لما تكتبيه ويقراه غيرك... مهما يكون نحن خوات ومن خليج واحد.. وحتى لو كني من بلد عربي فأعتقد نحن كلنا عرب وما حلوة نتكلم على بعضنا البعض بأسلوبك... وكان ممكن توصلي معلوماتك بأسلوب أحسن وأرقى من كذا... علشان ما يصير حزازيات
وأخيراً...
وهذا إلي أنا ملاحظته .... وأقولها لكم بالحق... ليش كل ما كان فيه موضوع عمانية تكتب عنه لازم تدخل وحدة وبعرض وبقوة تطيح على بنات بلدي... وتطيح على المجتمع العماني... وهذا صار في أكثر من موضوع... وأنا رديت في أحد المواضيع ومن زمان على وحدة من الأخوات ( الله يذكرها بالخير ) وفي الأخر أغبق الموضوع.
ترى مثل ما باقي الخليج متحظر حتى نحنا ولله الحمد... وفي كل مجتمع فيه الزين وفيه الشين... وفي المتحجب وفيه المتبرج... هل كلامي صحيح
يعني إلي بيته من زجاج ما يقذف الناس بالحجارة.
وأسفة على هل الكلام ... بس صدقوني غصب عني... ما أقدر أشوف حد كاتب شيئ عنا وأسكت... والحمد لله عندي كثير من الصديقات من المنتدى .... نتراسل ونتصل في بعض...
وأتمنى إن هذا الشيئ يدوم إن شاء الله
أختكم ... إلي أتمنى إنكم ما تزعلون منها....
شكوكو... أم الوليد:27:
خلطة طبيعية لتبيض البشرة 100%
متابعة النقاش، صفحة 8