فدييييييييت عمرتس يالمنتظرة
تسلمين يا بعدي انتي على هالترحيب اللي يجبر الخاطر ويثلج القلب
وصدقين كلمة حق بقولها لكم يالزوجات الاوليات
انا احسدكم وافرحوا وانبسطوا لا يغركم زواج ازواجكم عليكم مهما كانو مبسوطين
ترا مهما كان الغلا الاول والاخير لكم لو هو طاير بالثانية ولها الغلا
لكن غلاكم غيييير
ولا تضيق صدوركم ترا الشيطان حريص
وصدقوني مثل ما انتم تطفشون وتحسون باشياء كثيره تودي وتجيب
الزوجة الثانيه كذلك وبالعكس يمكن ما تقل احساس عنك لانها تحس انها غريبه ومو مرغوب فيها مهما فعلت واحتسبت الاجر وهذا طبعا من رجز الشيطان الله يدحره
انتن في نعيم ما تدرن عنه
ماتعرفه الا الثانية حتى لو هو عادل وحبوب ويخاف الله
يكفيكم احساس انكم انتم الاصل
يكفيكم انه يدخل بيته الاول وهو مرتاح فيه مو مثل الثاني يدخل عليه كاي شي جديد صعب التعامل معه ولو كان هادي وفيه كل سبل الراحة
جد انا ما ابالغ
حاولوا تحسون بهالامور البسيطة
انتي الاصل وانتي اللي عندك كل حاجياته واساسياته
يكفي الله يعزكم جزمه مثلا
فكروا فيها شوي انا حطيت بالي عليها يمكن انتن ما حطيتن
يجي بنفس الجزمه وما يغيرها الا اذا جا من بكرا من عندهم
ليش ؟ لان كل جزمه هناك
ازراره حاجياته الصغيرة
سنين متعود عليها
تعرفين كل شي عنه واصغر الامور
وش يحب ووش يكره
وش يبسطه ووش ينكد عليه
حتى اكله تعرفين له ويحب اكلك مثل اكل امه بالنسبة لي
انتي امه وفيك كل الحنان مهما بعد ما يستغني عنه
لانك صبور حنون اكثر منها زوجة تقوم بمجرد حقوق
يكفي ضمه منك ويحس ان الدنيا ملك له لو ماصرح لك وانتِ تعرفين هالشي
هذا ابسط شي ممكن يفرحني لو انا مكانك
والرجل اللي تظل زوجته الاولى على ذمته وموب راضي يتنازل عنها مهما تزوج وصار اللي صار فاعلمي انك بقصر في قلبه ماتدرين عنه مهما كان بينكم خلافات وفجوة
انتِ الغالية
وانتِ بدون مبالغة
القمر اللي نوره يغطي على باقي النجوم مهما كثرت..
تحياتي .. زوجة ثانية ,,,
الحمدلله انا بنعيم والدنيا دار عمل وهي مهما طالت مصيرها للزوال بس حبيت الفت انتباهكم لاشياء صغيرة يمكن بالنسبه لك مب شي لكن عند ناس كثيرة تحسدك عليها
عسى ربي يرزقنا العمل الصالح فيها ويثبتنا على طاعته
حيـــاك حبيبتي لسع وعسل يا حلو اسمك بس بدون لسع ههههههههههههه
وهيك يا بلا خلي دايم الافكار الايجابيه تجي قبل السلبيه واتركي كلام الناس عنك وربي ما يجيب الا وجع الراس
الزوجات الاوليات تعالوا نكمل كلامنا
متابعة النقاش، صفحة 108