عطر راقي .. رقيق .. كله أنوثة .. ادخلي وبتشوفينه ..

السلام عليكم ورحمة الله وبركاته

شحالكم يا بنات يا حلواااات ..؟؟ تعالن اليوم بخبركم عن عطر خذته من كم يوم من ساكس اللي في برجمان .. هالعطر خاص بمحل ساكس (مثل ما خبروني) يعني ما بتلقونه في باريس غاليري أو محل عطور ثاني ..

العطر كله انوثة ورقة .. مزيج من الورد والزنبق مع خلطة من الياسمين ونبتة مسك الروم .. يعني العطر كله على بعضه حديقة ورد و عشب أخضر ..

العطر جذاااااااااااااااب لآخر درجة .. اللي متزوجات تراه أنصحكم فيه .. بس اللي مب متزوجات لا تستخدمونه عند الناس الغرب .. تراه ما أريد آخذ ذنب أي وحدة منكن ..

المهم اسم العطر بل بلاس Bill Blass .. فجربنه وخبرني برايكن .. وتراه سعره 260 درهم للحجم الصغير ..


80 تعليق 10,010 مشاهدة

شاركي في النقاش

سجلي الدخول لإضافة تعليق.

التعليقات

76

تابعي تجارب أخرى من هذا القسم.