بنات مره معليه انى مارديت عليكم نفسيتى مررررررره تعبانه
وادق على اهلى مايشبك الخط
المهم انا مره متجنبه زوجى وكل مايطالع ولا يصرخ ساكته ولا ارد
بعدين لمن جا ينام صرخ فيا قمت انا سكت وبعدين كذا جلس يقول قرف وكلام بصوت واطى (يتأفف) قمت انا قلتلو اش تقول
قام قلى اقول اللى اقولو عجبك عجبك ماعجبك اتوكلى
قلتلو اش اتوكل اش تقصد قام قلى انتى فاهمه ايش يعنى
وبعدين قام يصرخ بأعلى صوتو ويقولى ترا انا اقدرى اطلقك دحين تحسبينى عشان الولد مااقدر اطلقك
طز فيكى وفيه ويصرررررخ. وبعدين طفى النور غصب عنى (بالعاده اذا البيبى صاحى نسيب النور)
وبعدين نام وانا صاحيه شويه البيبى قام يطلع اصوات بصوت عالى (مسكين يشتكى) شويه زوجى صحة وطردنا برة الغرفه. وانا اقولو الصاله برد ماابغى اقعد فيها حرام عشان البيبى,وطبعا خرجت بره غصبن عنى. وبرررررررد وشغلت الدفايه وهاذانى فى الصاله(ترا فرق التوقيت احنا عندنا دحين 5 الفجر)
ولا كمان طول اليوم يصرخ وانا ساكته وشحن لى جوالى وقالى كلمى السعوديه استشيريهم ويطالعلى
بنظرات. هوه كأنو يبغى اى شى يجي من طرفى عشان يقول هيه اللى ماتبغى وانا عندى كرامه اللى باعنى ببلاش ابيعو بتراب صح ولا اش رايكم.
وانا اقسم بأيات الله انى ماسويت شى كل الموضوع النظرات وانا زعلت وقتها وعصبت وبكيت,ويحق لى بصراحه . كل ماافتكر نظراته اقول يالله انا كيف ارضى احد يطالع لى كذا وانا ماسويت شى . انا بنت ناس عند اهلى الحمد الله معززه مكرمه يستحقرنى كذا عشان بس قلت ابغى اخرج وقلتها وابتسامتى شاقه وجهى وبكل اسلوب.
حسب الله ونعم الوكيل، يارب افرجها عليا يارب
زوجى يشمق فيا...حسبى الله العظيم
متابعة النقاش، صفحة 10