أبشركم صديقتي انخطبت وبكره ملكتها تفاءلوا خير

الله يوفقها ان شاء الله....

ما شاء الله تبارك الله ..
الحمدلله على هذه النعمة ..
الله يتمم لها على خير يا رب .. ويوفقها ويسعدها ..

جزاكم الله خير أخواتي
الصراحه قصتها تحزن هي أبوها مطلق أمها وعايشه مع زوجة أبوها وطبعا تعرفون التفرقه العنصريه وظلم زوجة الأب وخواتها اللي من ابوها واللي أصغر منها تزوجوا باقي بس اللي بالثانوي ثنتين المهم هذي الأخت مو انهم مايجونها معاريس لا يجونها بس سبحان الله يروحون مايردون نفس حالتي المهم آخر شي تزوجت وحده من جماعتهم وحسيت ان صديقتي هذي بعد آخر واحد خطبها وراح ولا جا حسيت انها تعبانه لدرجة مره كنت معاها وقالت ياااااااااااااارب اتزوج وافتك من ظلم زوجة أبوي تقول مخلية علي مسؤلية البيت كله وتربية أخواني والأغراض من الجمعية بس تنجب وتعطيني الأطفال أربيهم حتى ماينامون عندها بالغرفة ينامون عندي وانا أسهر عليهم وأرضعهم وأغيرلهم وهذي حياتها المهم الفتره الأخيره التزمت الإستغفار والتسبيح طول اليوم تقول ما أكلم أحد أمسك مسباحي واسبح واستغفر وادعي والحمدلله جاها المعرس وتم كل شي بإسبوع وبعدها بكم يوم اتصلوا عليها الشغل موافقين عليها وان شاالله بتشتغل في نهاية الشهر إدعولها بالبركه والله يرزق الجميع ان شاالله وتصدقون يابنات يوم جاها عريسها هذا عشان يخطبها عمتها زوجة أبوها قالت لبناتها اللي بالثانوي تزينوا وانزلوا عشان يشوفونكم الناس تبي تخرب عليها

الله يوفقها ويسعدها ويحفظها
يا رب برحمتك يا أرحم الراحمين
لا إله إلا أنت سبحانك إني كنت من الظالمين

اللهم ارزقني وارزق أخواتي بنات حواء أزواجا صالحين تقاة نقاة مخموني القلوب اللهم عاجلاً غير آجل

اللهم آآآآآآآآآآآآآآآآآآآآآميييييييييييييييييين
يا رب العالمييييييييييييييييييين

الله يوفقها ان شاء الله