شاركي في النقاش

سجلي الدخول لإضافة تعليق.

التعليقات

1,914
  1. banuk
    صباح الخير ياحلوين شلونكم ام عبد الله اهلا وسهلا بيج مريم 80 اهلا وسهلا بيج ويانه وان شاء لله تتونسين بس خليج مستمره بالمشاركة ولتقطعين مشمشه عيني شلونج وشلونه البنوته الحلوة وبالنسبة للاسماء عندج مريم ( بس ديري بالج تره تطلع وكيحه لان …
    نداء للبنات اللي ديقرون
    وميكتبون :22:
    بنات رجاءا حتى بالاسبوع مره تكتبون بس سلام عليكم بس علمود نطمئن عليكم
    وليضل بالنا
    :26:
  2. @aghl_otn

    banuk
    نداء للبنات اللي ديقرون وميكتبون :22: بنات رجاءا حتى بالاسبوع مره تكتبون بس سلام عليكم بس علمود نطمئن عليكم وليضل بالنا :26:
    السلام عليكم بنات:)
    هاي لخاطر بان كتبت, والله ما ادري شنو الفلم نص الاسبوع نشيطة والنص اللاخ مكضيتهه بس نعسانة


    دلع
    سلامتهه لفاطمة الف سلامة وان شاء الله ماعدهه الا العافية ويارب يعينج على التعب وفوكاهه الحمل , يارب ييسره الج ويفرحج بكومتهه بالسلامة.

    بنت ديالى
    الف سلامة على زهراء, بس نصيحة جيكي العظم مرة ثانية وان شاء الله ماكو الا كل الخير وترجع مثل قبل واحسن ويفرح قلبج بشفائها


    ام زيد وعلاوي
    سلامتهم للجهال الف سلامة وان شاء الله ماعدهم الا العافية


    NUR
    حمدلله على السلامة وقرة عينج بشوفة الاهل والعراق


    مشمشة
    هله بعروستنه, ماشاء الله مابقه شئ على الولادة ان شاء الله ميسرة وساعة سهلة وخفيفة وتكومين بالسلامة انتي والبيبي


    الجبورية
    يمعودة ام وسيم على بختج ليش هالكآبة:( ,ان شاء الله خير


    مريم 80
    هله ومية هله بمريم:26: ,تره هنا راح نستلمج تحقيق بسيط:22: يعني وين ساكنة بالعارق لو بره واذا بره شكد صارلج وشكد عمرج وشنو تحصيلج الدراسي


    وسلاااااااااااام لكل البنات بدون ذكر اسماء:26: :26:
  3. @dlaa_dlaa_3

    السلام عليكم
    شلونكم حبيبات قلبي والله مشتاقتلكم كلش هواي
    واشكركم من كل قلبي على مشاعركم الجميلة الله لا يحرمني منكم

    بنات اريد ابجي والله اريد ابجي لن بعد ما اكدر على التعب خايفة على رجل فاطمة لن والله احس روحي اريد اموت نفسي من التعب ومن القهر مااكول غير الف الحمدلله والشكر والله خايفة اولد وين اودي فاطمة ومنو راح يكون يم اطفالي تعبت والله تعبت ودعيت من رب العالمين ياخذ عمري ولا اشوف رجل فاطمة موزينة

    سلامي لكم جميعا حبيبات قلبي
  4. @mrym80

    المشاركة المقتبسة غير متاحة.

    السلام عليكم بنات ...شلونكم اخباركم

    اني اسمي مريم ... وعمري 27 سنة خريجة معهد الادارة _ الرصافة متزوجة وام لطفلين بنت وولد متغربة عن العراق صارلي ست سنين بس والله عبالك ستين سنة لان كل يوم بالغربة يعادل دهر بس شنسوي هاي هيه قسمتنا وقسمة العراقيين صار كل واحد بديرة . ما اريد اقلب المواجع عليكم احنه داخلين الى هاي اللمة الحلوة علمود شوية ننسى المواجع ... سلام الى الكل:)
  5. @dlaa_dlaa_3

    اسم الام :دلع دلع
    تاريخ الولادة : 27/5/2007
    نوع الولادة :ان شاء الله طبيعي
    الجنس المتوقع:الله اعلم
    الجنس الاصلي :الله اعلم
    الاسم المتوقع : اذا بنت مريم لو نور الهدى اذا ولد حسين

تابعي تجارب أخرى من هذا القسم.