عيالك بعيدين عن عينك تعالوا نتشارك همومنااااااااا

الله يعين!



:26:

الله يكون بعونكم دائما رددو حسبي الله ونعم الوكيل
أعرف وحدة من رفيقاتي عندها بنتين وولد البنتين رماهم عليها من سبع سنوات وماشافهم ولا مرة ولا يصرف عليهم ومايعرفهم ولا يعرفونه والأم لا موظفة ولاشي يالله تقدر تنفق عليهم أما الولد ماتدري عنه من سع سنوات حتى وين ساكن شافته مرة يالشارع وحظنته وهرب منها خايف من أبوه ..

حسبي الله ونعم الوكيل

أنا مثلكم عندي بنتين في الرياض وأنا تزوجت ورحت الشرقية

بس أبوهم موراضي يعيشون معاي وكان أول مانهم عني بس الحين يجيبهم في الإجازات عشان بس يفتك منهم
وش أقولكم بس ملابسهم مقطعة وحالتها حالة وحتى لما يشتري لهم يشتري أي كلام والله ذاك اليوم جاييني والله جلد بنتي كأنه ضب تخيلو لا عناية ولاشي وشعرهم لقيت فيه قمل حسبي الله طيب هذولا أمانه أنت منت قادر عليها حراااااااااام عليك جيبهم لي
رغم إنهم إذا حوني يصير عذاب نفسي لأنه بعد عندهم زوج أم بس للأمانه يابنات إن زوجي ما يقصر عليهم من ناحية المادة بس من ناحية المعاملة صار يتغير شوي بسبب أهله لأنهم يقولون انت تهتم ببناتها ولاتهتم بعيالك طيب بناتي وش ذنبهم حرام عليهم
وخلوها على الله والله لابعيدين مرتاحة ولا قريبين مرتاحة
حتى لو رحت بيت أهلي إخواني يهاوشونهم ويضربونهم ويعايرونهم وأبوي جدا يقسى عليهم وانتم تعرفون البزارين وحركاتهم هذا يركض وهذا يلعب لا أهلي ما يبون كذا
آه آه آه وما الشكوى إلا لله
انا كتبت بس للمشاركة
والشكوى لغير الله مذلة
والحمدلله الحمدلله الحمدلله

MRMA>>>>>>اشكرك عزيزتي انا الحمدلله اشوفهم بالعطل ,, وانا كل مره يجوني احاول اني اعوضهم وادعي لهم دايم بان الله يبعد عنهم عيال الحراااام اهم شي عندي ,, والف شكر لكي ياقلبي.


حروف الود..... ربي يسلمك على الكلام اللي قلتيه الف شكر.

اسماء الكريمي.. الحمدلله انك شفتيهم ,, بس باقولك شي حاولي قدر الامكان انك تحنني قلبهم على عمتهم لمصلحتهم على الاقل تكون بجانبهم حتى لو على الخفيف علشان يكسبوها .وربي يعيد عليكي شوفتهم يارب .

ام مجاهد ,,, فعلا الخوف يدمر نفسية الطفل ويخلي شخصيته مهزوزه ربي يعين امهم ويصبرها.

ام المكارم.......اولا احب اشكرك على ذكر تجربتك القاسيه وربي يصبر قلبك ,,وعلى حسب ماتقولي باين ان ابوهم غاسل ايده من عياله بالمره ,, انا مثلك مايقصر من الناحيه الماديه بس لمتى والله الوحده تستحي لاجت تطلب شي خصوصا انه مو مجبور فيهم بس بالاخير الاجر وعمل الخير يكون دافعه .
بس المفروض على اهلك يكونوا رحيمين فيهم اكثر لانهم محتاجين حنان اكثر من اي اطفال ثانين,,ام الكارم ربي يصبر قلبك ويعينك عزيزتي انا ماكتبت الموضوع الا علشان نشوف مشاكل بعض ونواسي بعض عزيزتي.

حسبي الله ونعم الوكيل