تتزوج واحد عنده ولدين ومطلق ولا لا ؟؟ جزاها الله خير اللي تدخل

السلام عليكم يابنات ,,

حبيت اخذ رايكم فشي يخص وحدة عزيزة علي وابي مشورتكم لان ارائكم مانستغني عنها :)
السالفة انا عندي صديقة عمرها 23 سنة وهي خريجة كليه وحلوة ماشالله عليها ,, تقدم لها اكثر من شخص بس كل واحد كان فيه شي مايعجبها ,,

الحين تقدملها واحد عمره 22 سنة هو موظف فمكان محترم وولد ناس وميسور الحال .. الكل يمدحه وسألوا عنه والكل قال انه انسان يخاف الله وماله فالخرابيط ,,,

المشكله انه توه منفصل عن زوجته بعد ماقضت 6 شهور فبيت اهلها وعنده منها ولدين واحد عمره سنة والثاني سنتين ,,
هو يقول ان سبب الانفصال انه من اول ماتزوج كان عمره 18 سنة ماكان يبي البنت لانه حس انه مو قادر يتفاهم معاها بس اهله قالوا له لاعيب تطلق ومايصير تفشلنا مع الناس والسبب الثاني انه ماقدر يتفاهم معاها وافكارهم غير عن بعض وانه مو مهتمة فيه ولا فنفسها ..
وهو قال حق اهل صديقتي انه بيسوي لها بيت بروحها وانه فعلا شاريها ويبيها مع انه الاولى كانت ساكنه فملحق مع هله ,,

انا طبعا اول شي قلته لها استخيري الله ,, لانه اعلم مني ومنج ومن كل الناس ,,

والحين طالبة رايكم ,, يعني من افكاركم واللي تشوفونه فحياتكم ,,