صديق زوجي اشترى جوال من وكيل معروف من وكلاء نوكيا
يوم راح البيت وشغل الجوال الا فيه اسماء اشخاص ورسائل قصيرة
وواضح ان الجوال مستعمل لفترة بسيطة وباعه الوكيل على انه جديد
المهم انه رجع للمحل يبي يرجع الجوال قالوا له مالك عندنا شي ..واللي تقدر عليه سويه
رفع صوته في المحل حتى يحرجهم بين الزبائن ..مافيه فائده
هددهم انه يبي يبلغ الشرطة ..قالوا له روح بلغ
هداه ربي لوسيله خلصته من نصبهم ...تدرون وش قالهم
قال لأ ..انا ماني رايح الشرطة
كل اللي بسويه اني ابتصل على الناس اللي موجودة ارقامهم عندي بالجوال
وأذيهم ...وكل من اتصل عليَ منهم بعلمه بالسالفه..لين توصل لصاحب الجوال اللي
باعه لكم ..وانتم وهو تخالصوا
يقول الرجال..والله اني ما عطيتهم ظهري الا هم يركضون ويقولون هات الجوال
ويعطونه جديد ..ويركبون الشريحه عندهم حتى يتأكدون منه
قالوا هذا مهبول وأكيد بيدهورنا
شفتوا ذكاء هالرجال ...اخذ حقه غصب عنهم ...أكيد هو ماكان بيتصل على الناس
مثل ما قال ..بس بالأخير حط كل اللي خطر بباله حتى ياخذ حقه..وربي وفقه
اذا ما كنتي تقدرين تاخذين حقك ..ألجئي للحيله
اذا شافوا هالغشاشين ان الناس صارت واعية وتعرف كيف تاخذ حقها ..أكيد بيخلون
النصب على خلق الله
--------(( نحــــو وعــــي اقتصــــادي أكبـــر ))-------------
متابعة النقاش، صفحة 7