اللي على وجه نفاس واللي لها خبرة والباقي لاهنوا بكريات ونبغى مساعدة ونستفيد من خبرتكم

ياهـــــــــــــــــــــــــــــــــــــــلا وسهلا بكل اللي طل على الموضوع
أتمنى من خواتي اللي عندهم تجارب تفيدنا يالبكريات والبكريه الللي جهزت نفسها لنفاس ماتبخل علينا
نبغى مساعدة عن أغراض البيبي التي تغيب عن البال مو ملابس ومفارش ورضاعات لا لا نبغى مثل ميزان الحرارة وأفضل الأنواع والأشياء اللي شريتوها ولا أستفدوا منها علشان ما نكرر الخطأ
وأغراض الأم الله يعافيكم لاتسونا
أنا بالنسبه لي خلصت من تجهيز البيبي وجهزت ملابسي والمفارش وحتى جهزت بعض الأغراض اللي اذا طلعت من النفاس
بس باقي لي العلاجات أو الأدوية اللي تؤكل بالنفاس ماسويت شيء منها لأني ماأعرف عنهن وقريت مواضيع كثيره ومع ذلك محتاسه ماأعرف المشكله ان جسمي يتحسس من بعض الأعشاب لأني قد شربت وكانت علي الدورة وأنقطت ستين يوم يعني ماأقدر أشتري من حريم وحابه أسوي أدويتي بنفسي وأتمنى تجاوبني على أسئلتي
1/التمر اللي يخلط معه رشاد وحبة سوداء وفلفل أسود ناويه أسويها وكل اليوم الصبح أكلها على الريق أخذتها من نظام فيافي بس المشكله ماأعرف كمية المقادرير ياليت اللي تعرف تعلمني لكل كأس تمر كم أحط من ملعقة رشاد ؟؟وهل أطحنه والا عدل ؟؟؟؟وكم ملعقة فلفل وحبة سوداء؟؟؟
وهل أكل التمر من أول يوم من النفاس لأخره؟؟
2/مغلي القرفة والكمون يصلح أغلي معه الشمر؟؟ والا لازم الشمر يكون وحده؟؟ وش فايدته؟؟
3/التحاميل اللي هي مره وعسل وملح أنا جربتها أيام الدورة وهي خطيرة تطلع المويات والوساخة من الرحم ولكم الكرامة بس قريت بفيافي معها محلب أيش فايدته؟؟ ومتى أستخدم التحاميل ؟؟
4/ الغسول اللي هو الأرطأ والملح من متى أبدأ أستخدمه؟؟؟
5/ الخوا جوا شلون يستخدم ؟؟ يؤكل والا يشرب والا يغسل فيه أسمع انه زين بس ماأدري وشلون يستخدم ولا ايش فايدته
6/ متى أستخدم الكبو؟؟؟؟
7/ وش أستخدم علشان الالتهابات ماتجيني ؟؟؟لأنها ذابحتني الحين بالحمل أبغها تروح اذا ولدت ان شاء وهواء الرحم أيضا.
أدري اني غثيتكم بكثرة أسئلتي بس مالي الاالله ثم أنتم
الله يجــــــــــــــــــــــــــــزي الفردوس كل من تجاوب على ويجمعها بها مع من تحب ويرزقها خير الدنيا والآخرة ويسخر له زوجها ويصلح نيتها وذريتها ويرزق المحرومة ذرية صالحة سلمية معافاة.
واللي ترفع الموضوع الله يرفع منزلتها في علين والسامعين يارب ويهون علينا حملنا وولادتنا ونجيب أطفال أصحاء ويرزقنا برهم.

15 تعليق 1,985 مشاهدة

شاركي في النقاش

سجلي الدخول لإضافة تعليق.

التعليقات

15
  1. صاحبة الموضوع
    أم نريمان تسلمين الله يوفقك
    ..............
    الأميرة آميــــــــــــــــــــــــين واياك يارب اللهيفرح نظرتك بالعافية
    ...........................
    جالكسي ويسهل أمورك وياليت يجاوبون البنات لأني مره محتاجه لخبرتهم أخاف أولد ولابعد ةسنعت روحي
    الله يوفقكن يارب ويرفع مقامكن.
  2. @aalshryb_bz

    مرحبا يالغالية
    انا باقول لك على الي اعرفة والي ممكن اسوي مع اني لسي ماشريب شي مع اني بنص التاسع بس لان ودي بعطار اشياءة نظيفة وانا بصراحة كا اعرف فقلت اترك هذي الشغلات للوالدة الله يخليها ليه
    1- الحلبة اول عشرين يوم فقط اما مشروب او سفوف وهذي راح تلاقين ان فيافي والعامرية ماقصروا وذكروه (الله يجعلة في ميزان حسناتهم لانهم نفعوا ناس كثير فالله لايحرمهم الاجر)
    2- الرشاد مع التمر في العشرين يوم الاخيرة
    3- التحاميل انا مستحيل ادخل شي مو طبي لانك ما تضمنين نظافة الاعشاب تمام
    4-الخوا جوا يستخدم مع الكبو وبصراحة ما جربته ولا اقدر احكم
    5- الارطا ماجربته
    6- القرفة عندنا يحطونها لوحدها او مع شوي زنجبيل ويطبخونها شوي

    هذا الي اعرفة اسفة اذا كانت مع جاوبت عليك اجابات شافية لكن هذا الي اعرفة والله يسهل علينا الولادة

تابعي تجارب أخرى من هذا القسم.