تقوس الرجول

ابشركم يا حبيباتي

رحت لدكتور عظام وسولو اشعه ولمن شاف الأشعه قال لزوجي ( اوم روح بيتك) (ده مفهوش حاجه)

قلت يارب لك الحمد والشكر الحمدلله بس قاللي لازم اعرضه للشمس يوميا

وهذا كل شي واشكر كل البنات اللي فادوني وانت كمان يا دلوعه حبيبتي

مرحبا عزيزتي شوفي انا بقولج قصه ولد اختي مع تقوس الرجل وانا ما اخوفج بس انا ما ودي الطفل اللي عندج يوصل لنفس المرحله اللي عند ولد اختي
اولا احنا لاحظنا عليه التقوس يمكن بعد السنه يعني سنه وشوي وعرضته اول مره على دكتور الماني موجود في ابراج الامارات وسواله اشعه قال طبيعي بيرد طبيعي وبعد شهر يمكن او شهرين ودته المستشفى الامريكي اللي في دبي بعد سواله اشعه وقال نفس الكلام فاحنا قلنا خلاص الموضوع منتهي خلاص وتركناه تقريبا لقريب ال2 بدو الاهل البعيدين شوي يلاحظون انه التقوس بدا يزيد ودته دكتور وصفو لها في الشارقه اسمه رعد القيسي عراقي قال لازم جوتي خاص وعطاه دوا اسمه الفا كالسيوم وهو كالسيوم مركز ولبسته الجوتي فتره شهرين يمكن وما ياب نتيجه ومن كثر لبسه للجوتي بدا ظفر رجله يطيح واستوتله فطريات ونسيت اقولج انه الدكتور لما وصف لنا الجوتي رحنا الصيدليه الخاصه قال لنا انه يحتاج جبيره ليليه فقالت له ان الدكتور ما طلبت فقالها خلاص وبعد فتره قالو لها في دكتور في مستشفى خليفه شاطر ودته وبع سوت اشعه ثالثه يعني كانت الفتره تقريبا 4 شهور والتقوس زاد وقال الدكتور لازم عمليه واهني اختي طبعا انصدمت وما اقتنعت
الحين اختي سوت له تحاليل وقالو لها اذا التحاليل بينت ان الكالسيوم ناقص معناتها ما يحتاج عمليه ولكن نتيجه التحاليل بينت انه مايحتاج كالسيوم والكاسيوم مب نا قص عنده وهذا الكلام من خمس ايام والحين اختي ناويه اطلع له تقريري طبي وبتوديه المانيا وبالذات مدينه اخن لانهم اشطر شي في العظام
ونسيت اقولج انه احنا طرشنا تقاريره واشعته الى تايلند وقالو لنا ما يحتاج عمليه بس يحتاج جبيره بطريقه خاصه يعني بس علاج طبيعي فاختي اتشتت فقالت احسن شي اروح اوديه مدينه اخن في المانيا لان احسن دكتور عظام موجود هناك ويمكن الصيدلي اللي في البدايه هو اللي كان صح لو انه ماخذ من عنده الحبيره يمكن ما كان وصل للمرحله المتاخره لان رجوله مقوسه بشكل كبير كانه بينكسر ما ابالغ
علشنا جيه اختي اول شي اعملي التحاليل ولا تعتمدين على الدكاتره اللي يقولون الاشعه تكفي اذا كانت نتيجه الاشعه الكالسيوم عنده تمام دوريله حل ممكن اتكون الجبيره او اي شي ثاني بس اهم شي نتيجه التحاليل ولا تتاخرين مثل اختي هاي الخطوه المفروض اتسويها من البدايه سوتها هي في النهايه وهذا اللي اخر علاجه وتقوست رجوله بزياده واتمنى انه ما يكون الطفل اللي عندج نفس المشكله اللي عندنا اتمنى انه يكون نقص كالسيوم وخلاص ويعطونج كالسيوم وخلاص وحاولي اتعالجينه قبل ال4 سنوات لانه بعد ال4 سنوات العظام ما يقبل التعديل صعب

ليالي دبي تشكري اختي ان شالله اصلي الإستخاره واشوف

والله يقوملكم ابن اختك بالسلامه ويشافي ويعافيه يارب

تسلمي اختي ملا يكة القلوب