بنتي سمرت؟

اولا/ السلام عليكم ورحمة الله وبركاته
ثانيا/ بنتي عندها ثلاث شهور واول ماولدتها كانت بيضا مره لكنها تعبت مره وبعدها صارت سمرا يعني فرق عن اول كثييير ومع كذا جسمها هزيل واحس انها ماتغيرت عن اول بكثير الله يخليكم اللي عنده شي يغذي ويرجع بياض بنتي لها تقولي وادعيلها بظهر الغيب.....:(:(

7 تعليق 5,160 مشاهدة

شاركي في النقاش

سجلي الدخول لإضافة تعليق.

التعليقات

7
  1. @am_aaboody

    رحلة امل الله يخلي لج بنتج بس شلون بتبيضينها هاهاهاها

    الياهل اول مايطلع يكون ابيض وشفاف لكن مع الايام يصير لونه الطبيعي لا تخافين المهم انه ماتكون صفره اهني تلزمها التحاليل

    وللضعف عطيها فيتامينات يمكن تمشي معاها

    وبعد شهر تبدي تاكل راح تتربرب مع الاكل لا تحاتين :)
  2. @alhayrh

    هلا حبيبتي رلة امل
    لاتخافين صدقيني بترجع بيضاء زي اول بنتي تعبت وسمرت والحين كل مالها تبيض
  3. السمر والبيض كلهم حلويين .. انا ولدي اول ما يبته اسمر ومب حلو وضعيف .. لكن بعد كم شهر صار حليو وابيض ماشاء الله عليه ... يعني اللي اعرفه انه اللي ينولدون بيض بعدين يسمرون والعكس ... لكن هو بعده ثلاث شهور يبغيله مده طويله لين ما يبيض ... واذا عن صحته رضعيه من صدرج على طول مب كل ثلاث ساعات لانه ها الشي ما اييب نتيجه .. كل ساعه على الاقل رضعيه يمكن ما يكفيه كل ثلاث ساعات ...
  4. @hlaaaaaaa

    مرحبا بنات
    انا اللي اعرفه ان الطفل يثبت لون بشرته لما يوصل 6 شهور ويبقى هذا لونها الدائم..
  5. @rhl_aml

    صاحبة الموضوع
    مشكورات يابنات حواء هذي اول بنت لي عشان كذا ابيها تصير احلى البنوتات لكن الحمدلله اهم شي العافية والله يخليلكن بناتكن وعيالكن :26: :26:

تابعي تجارب أخرى من هذا القسم.