السلام عليكم ورحمة الله وبركاته
هلا خواتي علومكم.
الله ييسر لكم ويقومكم بالسلامه وان شاء الله هانت وقريب ان شاء الله
تتسهل اموركم وتولدون.
انا الاربعاء رحت موعدي وفحصتني الدكتوره وقالت الرحم مفتوح اربعه سم
وقالت ممكن تروحين توضبين اغراضك وتجينا ولاتتأخرين عن الساعه سبعه
او ثمانيه الصباح.قلت اوكي.طبعا كنت تعبانه جسديا جسدي منهك ونفسي متضايقه ورجعت البيت وتعشيت لاشعوريا .ونيمت عيالي ونام زوجي
وبدت آلام خفيفه معي ومغص خفيف طبعا انا خفت مدري وش السالفه
وما قدرت انام من القلق...يوم جت الساعه ثلاث الليل نمت لين اربعه الفجر
وقمت صليت وبديت احس بوجع شديد .يخف ويرجع كل خمس الى ست دقايق
ماجت الساعه خمس الاوانا خلاص ماعاد اتحمل.
رحت للمستشفى وعلى الساعه سبعه الحمدلله كنت والده.
بس كانت بالنسبه للي اصعب ولاده.لاني جربت الطلق الطبيعي.
والله يسهل عليكم .ومبارك لاختنا تذكار ولكل اللي ولدوا.
تابع ..ملف تجمع حوامل الشهر التاسع والعاشر >> يرجى الانتقال إلى ملف جديد
متابعة النقاش، صفحة 163