يا من ندرك فائدتك وحرمتنا منك ريحتك...دابر املاء

بنات من منكم بتبدا معي في دابراملا
كل ماروح لمكان واقول وش احسن زيت يقولون دابر املا
كل ماشوف شعر تغير واجد يقولون دابر املا
رحت لحكير الي في الرياض ولقيت هنديه تبيع فيه قلت وش احسن زيت قالت دابر املا
رحت لصيدليه ويوم ظهرت منها شفت زوجة دكتور هندي وقفتها وقلت وش ازين زيت قالت دابراملا
جات صديقتي عندنا من قطر وشعرها اجنااااان بعد مكان منتف صاير ناعم ولمعه وصحي
قالت تستخدمين شي قالت دابر املاء
حماة بنت خالتي عليها شعر (ماشاءالله) مثل العباة كثر وطول يوم ابحثت بنت خالتي
في سر شعرها رغم ان البنت ماكانت تبيها اتعرف (اكتشفت انها نهاية الاسبوع اتحط دابر املا وسدر)
جاتني نيباليه قلت وش ازين زيت في بلادكم قالت دابر املا
اختي تساقط شعرها بشكل رهيب وجابت كوفيره اتسوي كورس عنايه بشعرها
وتفقوا على اربع اشهور يوم جاء شهرين وزان شعرها قالت اختي خلاص بعطيك نص الفلوس وقالت
الكوفيره اوكي وعطت اختي من الزيت اللي تحطه على شعرها طلع وشو؟ دابر املا مغيره علبته
بس( وهل يخفى القمر)فديته هو وريحته الحلوه>>>:09: لا تصدقون
والكل يعرف ان زيت ام الجدايل..حق وادي النحل (دابر املا)
ووووووووو لو اقول عنه قصص مستحيل اخلص
واكيييييييييد صار لكم نفس الي صار لي

من منكم مثلي؟؟كل ماشريته حاولت استخدمه فتره وعقب اقطته
واذا سمعت المدح فيه رجعت وشريته وكذا مره
حنا انعرف ان الزيت هذا موب عادي لكن انتملل منه والسبب ريحته
انا مابي شعر طويل ابي شعر كثيف وصحي وناعم وعندي احساس انها كلها في دابر املالي اربع ايام من استخدامها الي يبي يبدا معي حياكم الله ونشجع بعض..انا عن نفسي
بستخدمه قبل الاستحمام بساعتين او ثلاث...ويارب ما اتكاسل

441 تعليق 90,733 مشاهدة

شاركي في النقاش

سجلي الدخول لإضافة تعليق.

التعليقات

426
  1. @glaamr

    تكفين وش يفكك من ريحته

    خصوصا الصيف جاي

    والله لو تبخرين مايفيد

    خصوصا اذا عرقتي وانتي مداومة

    العن ام الفشلة

    ما ابغى احطمك

    بس اذا انتي في البيت ومش متزوجة اوكي احسن لك اهم شي شعرك
  2. @saaodyh_8

    صاحبة الموضوع
    جلاامر
    تكفين وش يفكك من ريحته خصوصا الصيف جاي والله لو تبخرين مايفيد خصوصا اذا عرقتي وانتي مداومة العن ام الفشلة ما ابغى احطمك بس اذا انتي في البيت ومش متزوجة اوكي احسن لك اهم شي شعرك
    اوكي بنات انا بقولكم عن طبعي انا اتسبح يوميا
    قلت خلني استخدمه قبل ماتسبح بساعه اوساعتين
    بنات انا صعب احكم عليه بدري بس والله حسيت بنعومه لاني من زمان ماحطيت زيوت
    بس قد استخدمتها من زمان بس ماطول ثلاث اشهور واوقف الي اتذكره انه يخفف التساقط

    بس في طريقه لتخفيف التساقط اكثر
    اذا حطيتوا الزيت في الشعر بشكل وافر بدال ماتدلكين تضربين بطريقه خفيفه على فروة الراس
    من كل صوب (هذي الطريقه شفتها في شغاله نيباليه واعجبتني)
    في البدايه شفتها على بالي راسها ايعورها وتضربه من اآلم وعقب فتره شفتها اتسويها على طول
    وعقب عرفة انها طريقه لتدليك الراس ........بس حركه فضيعه
    بس هي ما تايد طريقتي اتقول تبين شعر حلو حطيه في الليل وغسليه الصبح
    بس والله صعبه على متزوجه:(

تابعي تجارب أخرى من هذا القسم.