السلام عليكم
انا جيت :)
لسا ما ولدت
رح احكي لكم شو صار معي في الايام الاخيرة
الاربعا المسا عملت تبخير الميرمية
:)
باعرف انه لسا بدري بس انا قلت بدي اجربها .. وحسيت الهوا كله بيدخل في الرحم من السخونة
جربتها عدة مرات لمدة دقيقة او اقل كل مرة لانه رجليني كانت توجعني وما اقدر اقرفص منيح فوقها
وبعدين نمت عادي بدون اي وجع ولا اي شي
الصبح صحيت عادي بس كان معي وجع بسيط
وبعدين وانا اخد شاور حسيت بوجع رهيب ودوخة رهيبة طلعت بسرعة من الحمام وحكيت لزوجي والمغص اللي شعرت فيه غريب ما شعرت فيه قبل هيك
دقايق وراح
افطرت وبعدين رحت الحمام
لقيت الداخلي دم
ولما مسحت لقيت دم كمان
اليوم كان موعدي طبعا
ضل ينزل معي دم حتى وانا في المستشفى
دم زهري معاه مخاط بسيط بني
حركة البيبي خفت كتير
وحكيت للدكتور
لاني رجعت (تقيؤ) الصبح خاف ليكون صار معي تسمم حمل
فطلب مني فحوصات للتسمم وكمان الزلال
وعملتهم والحمد لله ما معي شي
عمل لي تخطيط للطلق ولنبضات البيبي
وكل شي تمام
مع انه الحركة ضعيفة جدا
قال لي راس البيبي تحت كتير وانه ماكسيمام اسبوع وبينزل
وقال لي عن الدم انه علامة ولادة ورح اولد من 1 الى اسبوع فقط لا غير
وكله بمشيئة الله
ما معي طلق
وما خليته يعمل لي فحص داخلي ليعر فيه توسع او لا
لانه البيبي صار تحت كتير بيوجع الفحص الداخلي موت
هلا كل حركة البيبي دفع لتحت
وتحجر مافيه حركة متل الاول
طمنوني
هاي علامة ولادة او لا؟
لانه لهلا بينزل معي افرازات مخاطية دم
بس مش لحالها يعني لما امسح غالبا
هل هالشي طبيعي؟
لانه لهلا عم ينزل الدم
طمنوني بليز
**مواليد شهر مايــــــــــو يـــونــــيـــو,,,يولــــــيو* *> >> يرجى فتح ملف جديد
متابعة النقاش، صفحة 225