ملتقي المصريات المغتربات

مرحبا اخواتي من مصر
اشكر كل من رد على موضوعي وانا عارفه ان هذا مو مكانه واني تطفلت على جمعتكم ولكن من عشمي فيكم ومالقيت مين اسأل غيركم
اشكر الاخوات
كلبيزو شكرا اختي على الرد ويكفيني ذوقك اما المدارس انا ابي مدارس عربيه خاصه بالقاهره غير مختلطه
اختي ام اكرم ومريم ربي يحفظك ويحفظ اهلك ويحفظلك كل غالي وترحيبك فيني يدل على كرمك وطيب اخلاقك لك كل الحب والتقدير
اختي الغاليه كورنيش عاجزه عن شكرك وطيب اخلاقك ربي يسعدك ويحفظك وين ماكنتي

بنت وادي النيل

موضوع الهدايا فتحنا فيه الكلام مرات عديدة قبل كدة

واتضح ان كل واحد وله ظروفه وكل واحد له طريقة

انا ( واعوذ بالله من كلمة انا ) بحضر للاجازة ابتداء من شهر يناير او فبراير وبكون كاتبة ورقة طويلة بكل المشتريات المطلوبة واللى يتم شراءه بعمل عليه علامة وان افتكرت حاجة بكتبها بنفس الورقة ,,,وان حد من مصر طلب شئ برضو بضيفه على قايمة المشتريات
واثناء الشراء بحضر الشنط اللى ممكن اقفلها ومرجعش افتحها وبتكون كلها متطلبات الهدايا
وفي نفس الوقت قبلها بشهر ابتدي احضر ملابسي وملابس اولادي من غسل وكوي وارصها في شنطة تانية ,,,طبعا هتستغربي
بس احنا اخر شهر بنحضر للامتحانات وخروجنا بيكون اخر الاسبوع ,,,يعني كل واحد فينا محتاج طقمين يعني كلها 8 اطقم بالشهر كله لكل فرد وباقي ملابسنا اللى ينغسل ينكوي ويترص بالشنطة
وطبعا ملابسنا الجديدة كلها بتنحط في الشنط على طول اللى بشتريها في اخر شهر
وبكدة بوفر على نفسي تعب كبير وضغط اعصاب اكبر ,,,لان اخر اسبوعين بنكون امتحانات وفي نفس الوقت بعمل تعزيل للدواليب وتظبيط ,,,,لان الشتوي بيكون في الشنط ,,,اطلعه وارصه في الدواليب واللى في الدواليب يدخل الشنط
علاوة على كدة حركة التنظيف العميق اللى بتحصل
قبل ده كله الدواليب بغسلها بالديتول من جوه ومن بره ,,, وبعدين ترتيب وفرز كل ادراج البيت و دي بتكون البداية للانطلاق على بقية الشقة

اما عن الهدايا في حد ذاتها
انا دلوقت باخد ماخف وزنه وغلى ثمنه
موبايلات ,,,نظارات ,,,,مكياج ,,,,برفانات... ساعات ,,,اجهزة كهربائية ,,,, بس كله ماركات
وقطعة واحدة للفرد تغني عن كوم هدايا
ودي خلاصة تجاربي في موضوع الهدايا
لان جربت قبل كدة العديد والعديد من الطرق وبمختلف المستويات

كان نفسي افيدك
بس انا انقطعت علاقتي بالتعليم من 17 سنة ههههههههههههههههههه
بس على ايامنا كان في الابتدائي مختلط ومن اول اعداي منفصل

صباح الخير يابنات كلكم جميعا طبعا انا مش هقول اسامي لان ماشاء الله الملف بقا مليان بنات كتير جداد علشان منساش حد ويزعلوا

اوزا ازيك انتى نازله قريب خالص احنا حجزنا على 6 يوليو ان شاء الله
اخبار الأوكازيونات ايه ابوظبي زحمه قوي بس والله لسه ما ابتديتش اشتري حاجه تخيلي لحد دلوقتى لسه برتب حالي من بعد مارجعت من مصر اتاري النزول مش سهل ربنا يعينكم

كلبوز ازيك ياقمر انا مش بكتب بس بقرالكم كل يوم اخبارك ايه ان شاء الله تنزلي اجازه على خير وتكون اجازه ممتعه
ام اكرم ازيك وحشاني ؟ ناويه تنزلي امتى ان شاء الله ؟؟؟

فين شطوره وسهلوله وجولدي وكتكوته مختفيين ليه ؟؟؟

عمرو خالد

http://forum.hawaaworld.com/showthread.php?p=12961926#post12961926