اذا ماعرستي للحين ولايعه كبدك من سؤال الناس ليه مابعد عرستي تعالي فضفضي معي/ قديم

الصراحة كلامك يا أختي صح 100%
حنا شو نسوي، ليش الزواج بيدينا،،،،

ليش وليش وليش،،،،هذه أسئلتهم، ،،،

لا بعد يا ليت لو هذه الأسئلة تجي من الأهل بس (الأهل دايما يقولون اللي بعمركم عندهم عيال ولا عيالهم بعد في المدارس)....تجي بعد من الصديقات....يسؤلونك ليه ما تزوجتي للحين، ليه مافي حد خطبك، كان بودي أخطبك لأخوي بس أخوي أصغر منك، وإنت هنا ودك تجيبي حاجة وتكسريها على راسها بس المشكلة بينك وبينها سماعة التليفون يعني ماراح توصلين لها بسهولة،،،

واللي يقهر بعد الأخوات يقولون لا لاتعرسين وإذا جاك واحد لازم يكون كذا وكذا ...ليه تريدونا نشترط ليه انتوا ما تشرطوا ليه تبونه يطير (ليه هو جاء من الأساس عشان يطير)...

والله كلامهم يرفع الضغط ويفقع المرارة بعد :angry2: ....

لا ويقولون بعد ليه البنات معقدات.:icon33: ..
والله لأنكم إنتو اللي يجيبون العقد وتعقدون بكلامكم ليه ما تزوجتوا لين ألحين...

الله يسامحكم على هذا الكلام...
لكن لا تنسون ترى الدنيا دواااااااااارة
((يوم لك ويوم عليك))....



اللهم إني أسألك أن ترزقني زوجا صالحا :arb: نقيا تقيا عاشقا لله ورسوله، غني بدينه وأخلاقه وعلمه وماله، هينا لينا دينا مرفوع ذكره في السماء والأرض، طيب حنون القلب، كريم، سخي،،،،،

اللهم عجل زواجي ولاتؤخره...:icon28:

اللهم أخواتي بنات منتدى حواء ما أتمناه لنفسي:arb: :icon28:

اللهم عاجلا غير آجل

اللهم آآآآآآآآآآآآآآمييييييييييييين

يا رب برحمتك يا أرحم الراحمين
لا إله إلا أنت سبحانك إني كنت من الظالمين
سبحان الله....والحمدلله...ولا إله إلا الله...والله أكبر...

يابنات انا عمري 28 وداخله ان شاء الله 29 ولا كتب الله لي نصيب ..
المشكله هالسؤال يطرح من صديقاتي يقلون لي مو ناقصك شيء ليييييييييييييش ماتزوجتي ...
ياربيه وشلون اجيب رجل صالح اروح انا اخطب لي والله يالييييييييييييييت كان افتكيت من الناس من زماااااااااان ههههههههههههه
بس يابنت الحلال انا من النوع اللي يطنش بس يقهرك كلام الناس مو يضيقون صدري ابدا انا عادي اكرهه مااشوف الرجل لكن ماابي امي يكدرون خاطرها وربي اهلها خواتها لها اخت تقولها دايم ليش ماتزوجين بناتك ليش وليش تتعب امي منها ولها بنت حملت وبسرعه قالت لامي قات لها امي لاتقولين لاحد لين يثبت الحمل او يمر عليه كم شهر مو اول ماتنقطع الدورة تعلمين قالت خالتي ليييييش عشان بناتك ؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!
بالهي ذا كلام ينقال وشدخلني ببنتك حملت ولا ماحملت والله صغار عقول ...
وجدتي كل ماتصلت علينا اشوف رقمها مااشيل السماعه اخليه يرن يرن الين تشيله امي ولا الين ينقطع ... لانها اذا كلمتني يكون كلامه حليو بعدين يجي الكلام اللي ماابيه يابنتي تزوجي اذا جاك اي رجل خوذيه لاتعنسيييييييييييين ولا تصيرين مثل بنت الفلاني والفلانيه وأنا ارد عليها واقولها ايه ايه ايه ايه ايه ايه ايه ايه ايه .....الخ بس ابي اسكتها خلااااااااص سيرة ونفتحت مع جدتي ...
دايم يهوشوني اهلي ليش ماتردين على جدتك اقولهم ياناس ماتعرفون الازعاج اللي تسويه لي تزوجي وين اجيب الرجل الصالح أنا ماني خربانه ولا ضايعه اقبل اي رجل يجي ...
لازم واحد يكون يصلي ويخاف الله ويحترم الحرمه ولا يذلها ماابي لاجمال ولا مال ولا اصل ولا فصل ..
دام اني معززه مكرمه ببيت اهلي وش ابي برجل وهمه وغمه ..
بس دايم الشيطان حسسسسبي الله ونعم الوكيل عليه يوسوس بعقلي اقول اخاف الناس يقلون عني كلام موزين يقلون ليش هالبنت الى الحين ماتزوجت والكل يقول لي مو ناقصك شيء الله عطاك كل شيء ليش ماتزوجتي .. اخاف يطلعون علي كلام يمسع شرفي وسمعتي والله العظيم احلف لكم بالله مره صديقتي سالتني قالت لي انتي بقلبك احد !!!!!!!!! والله مابقلبي أحد لكن الله سبحانه وتعالى مااراد ليش يشكون فيني ماادري ليش !! ..... بعض الاحيان اقول لنفسي ياليتني من الشينات الشكل يمكن مااحد يمسني بكلام شين ولا يقولي بقلبك بعقلك بطنك وبمصارينك احد ...
بس الحمدلله يارب لك الحمد انا راضيه باللي قاسمه لي ربي ...
ولا يهمني كلام الناس وانا اتحسب كل يوم على اللي يجيب طاريي وخواتي بكلام يمس شرفي واخلاقي بس عشان الزواج ...

صباح الورد

انا مابعد تزوج مع إني ب26
وكل إللي حولي من صديقاتي وقرايبنا متزوجات
إلا القلة

المشكلة هالناس مادري كيف تفكر
كل هذا خوف علينا وإلا سؤال والسلام
انا ماسمعت كلام لكني أشوف تصرفات تضيق صدري :(
زي إللي صار في زواج بنت عمي السنة الماضيه :icon33:
والحمدلله على كل حال

منب من النوع إللي يخطبني ناس كثيره بل العكس
قليلين جدا وأكثرهم مايصلحون واثنين مطلقين
وواحد عنده ولد ووافقت لكن ماكتب الله

والوالد الله يحفظه ويحلله رافض النظره الشرعية :icon33:
وياقلب لاتحزن

الله يرزقنا بالزوج الصالح إللي يعوضنا
كل إللي فقدناه ويكون سند وظهر لنا
وزوج قدوة وأب قدوة
ياااااااااااااااااااارب ننخطب ونتزوج في هالأجازه
ومافيه شي بعيد على الله

:

انا بعد عمري 22 بس عااادي مو حاطه هم هالموضوع توني صغيره واهلي نفس الشي مع انهم ودهم اتوفق اكيد بس الي احاتيه ان يكون الوضع علي هالحال طول السنين الجايه يعني تحاتين شبيصير لك بعدين بتتزوجين او لا مبكر او متاخر في العشرينات او الثلاثينات وهكذا الله يوفق الكل اميين .

السؤال هذا سخيف ويرفع الضغط مررررررررررررررررره

اذا جا من حرمه كبيره عادي مو مشكله

لكن اذا جا من وحده بعمرك ومتزوجه تحسينه مو بحسن نيه ودك تصفقينها عشان تعرف الادب


مره اتصلت علي صديقتي ايام الثانوي وهي تزوجت بعد الثانوي على طول وانا لا كملت بالكليه وهذي اخر سنه لي قامت تسالني وتسالني وتسالني وتسالني مع اني ما سالتها ولا شي لا عن زواجها ولا حياتها ولاشي وطولت وهي تسالني طفشت منها وامي تاشر لي كل شوي خلصي من التلفون العشا على النار قلتلها اسفه اكلمك بعدين العشا على النار واخاف يحترق قالت يووووووووووووه لين الحين اهلك ماملو من طبخك متى تروحين وتخلينهم ؟؟؟!!!!!!
عصبتني ورفعت ضغطي قلتلها لاتكونين تصرفين علي وانا مدري واهلي احب ماعلى قلوبهم اقعد عندهم العمر كله قالت لا بس احس انك كبرتي خلاص وبتعنسين اختي الصغيره تملكت وبنت عمتي وفلانه وفلانه وفلانه الا انتي ؟؟؟!!!! قلتلها تاركه لكم الزواج وتاركه لي الدراسه
ويوم تكلمني قبل سنتين عمري وقتها عشرين سنه والحين 22 من جد سخيييييييييفه
وصرت اذا كلمتني اجيب لها من الآخر تراني تزوجت كليتي ودراستي شكلها اذا تخرجت بتتصل تسالني
ماطاحت سنونك خلاص وصلتي سن الياس ؟؟؟؟؟؟؟؟؟؟ههههههههههه ياشين التخلف مايدرون ان النصيب بيد رب العالمين