تجربـــــــتي مع الفـــراكســـــــل
السلام عليكم ورحمة الله وبركاته
كيف حالكن بنات عساكن طيبات
حبيت اطرح عليكن تجربتي مع الفراكسل
وهو جهاز ليزر جديد لازالة اثار حب الشباب والبقع وغلق المسامات في البشره
لانه بنات سألووني عن تجربتي معاه واكيد فيه غيرهن يبن يسألن لكن مب محصلات اللي جربته
فانا قررت اعطيكم خلاصة تجربتي معاه :)
انا ربي يسلمكم عندي اثار بسيييييطه لحب الشباب
ولازالتهم تماما قررت اسوي الفراكسل :)
تعالجت في عيادة اوباجي وعطوني اول شي كريمات التقشير وغيره وغيره
وعلى فكره حتى كوزموسيرج يعطي كريمات تقشير قبل الجلسه عشان تحضر البشره للفراكسل
المهم تميت على الكريمات لمدة شهر
وقشر ويهي صح واحمر عدل وعفت عمري بعد
بعد ماخلصت شهر بديت اول جلسه
وبصراحه كانت تجربــــــــــه مريييييره .. الجهاز جداااااااا حاااااارق
ودرجة الحراره تختلف على حسب درجة لون بشرتج
فكل ماكانت بشرتج فاتحه كل ماكانت الدرجه اعلى وبالنتيجه بتكون النتيجه اسرع وتقل عدد الجلسات المطلوبه
جلسات الفراكسل كلها جلستين - 3 جلسات لا اكثر ولا اقل
فانا قالتلي الدكتوره احتمال تاخذين فقط 3 جلسات لان الدرجه اللي اخذها عاليه :09:
في يوم الجلسه >>>>>>>>>>>>>>>>
تكون فيه جلسه تخدير للبشره عشان تتحمل الحراره ومدتها ساعه تقريبا
عقبها تبدأ جلسة الفراكسل ومدتها ساعه الا ربع تقريبا (45 دقيقه)
الألم جدا فظييييييييييييييييع .. لكني تميت مستحمله :angry:
وعقب ماخلصت كان الويه متووووووووورم واااااااااايد والاحمرار فظييييييييييع
وبشرتج حاره حاره حاره
حتى عطوني ثلج عشان احطه على بشرتي كثر ما اقدر
الحراره راحت بعد 3 ساعات
الورم راح بعد يومين ( والورم جدا فظيع )
والاحمرار من اسبوع - 10 ايام
لكن للأمانه .. الحين احس بشرتي احلى عن قبل :)
اتصلت في الدكتوره وقلتلها اني راح اوقف لاني مب قادره استحمل اشوف ويهي بمنظر الورم مره ثانيه
قالتلي على راحتج
لكني استخرت اوقف او اكمل .. سبحان الله حسيت نفسي متشجعه اني اكمله !!
جلستي الثانيه بعد اسبوعين .. وانا متردده هل اسويها او لا
انا مب مشكله عندي الم الفراكسل ممكن اتحمله .. لكني ماريد ارد لمنظر الورم الشنييييع والاحمرار
هاي تجربتي مع الفراكسل
واللي جربته ياريت تحكيلنا تجربتها
واللي عندها اي استفسار تاخذ راحتها وانشالله بجاوبها بكل سرور :)