عادات وتقاليد الزواج عند كل مجتمع؟

up

بالعكس احنا في الرياض الزواج على اهل الزوج لكن في الفترة الاخيرة صار الزواج يكلف عشان كذا بدوا يخلون الزواج بالنص بينهم

انا من الكويت وعندنا حضر وبدو
طبعا انا حضرية
وعاداتنا شوي غير عن البدو
الملكه ( الملجة ) على اهل العروووس والعرس على اهل الزوج
وبالنسبة للدبله العروس والعروسة يروحون مع ام العروس والعروسة علشان يشترون الدبله
اما الشبكة على البنت من فلووس مهرها
وطبعا عادي عندنا بفترة الملجه اطلع ويا ريلي واكلمه بالتلفون لأن صاااار ريلي وحلالي
بالنسبة لعايلتنا ماعندنا صباحية وهالسوالف !
وووبس

انا من الشرقيه.. انا مهري 25 وشبكتي بــ3 والملكه على الولد والعرس النص بلنص

احنا اهل الرياض الزواج على العريس
بس احياناً تكون طلبات اهل العروس زياده عن اللزوم من ناحية الزواج وتكاليفه علشان كذا العريس يرفض ويقول مابي زواج اذا تبون حطوا انتم
وفي الاغلب والي اشوفه حالياً مشترك نص على اهل العروس ونص على اهل العريس

بس اهو في الاساس والمتعارف عليه على العريس
انا زواجي كان في بيت اهلي بس العريس اهو الي جايب العشا ولوازم العشا واخواتي نفس الشي

بس الاشياء الثانيه مثل بوفيه الحريم والحلويات والمعجنات وشغلات التقديم طبعاً علينا لانها اشياء اضافيه غير ملزوم فيها