دكتوره
انا عندي توأم ولد وبنت .. عمرهم شهرين
بالنسبه للبنت على لسانها فطريات بيضا ... وتطلع من فمها ريحه كريهه استغربت مع ان رضيعه تطلع من فمها هالريحه .. كشفت عليها الدكتوره وقالت عندها التهاب في الحلق .. وصرفت لي مرهم جل للسانها . هل الريحه من لسانها ولا من التهاب الحلق .. وهالالتهاب شلون يروح مع العلم ان وزنها عند الولاده 2,450 ... و الحين 4,100 ... و الحمدلله الاخراج يومي .. مرا يكون لونه اصفر ومرا اخضر ؟
السؤال الثاني .. لاحظت انها ترجع كثير ...كل رضعه لازم ترجع منها شوي .. و الحليب يطلع من الانف والفم وتختنق ويتوقف عندا التنفس ؟ شالسبب ؟ كنت استخدم لها حليب كيكوز وغيرته لنان مضاد
للارتجاع ؟.مع العلم ان الصناعي رضعتين او 3 في اليوم .. لكنها ترجع الاثنين الصناعي والطببيعي
اما بالنسبه لاخوها كان وزنه عند الولاده 2,500 ؟ والحين 4،600 .. وكان فيه الصفار مرتفع بسبب انيما الفول .. لاحظت على وجهه مثل الحبوب الصغيييره .. انتشرت بعدين اخشنت وو دهنتها بفازلين اطفال والحمدلله صار احسن بس ظلت خشونه بوجهه مثل تأثير الحرق ... وقفت عنه منتجات جونسسون لكن للحين الخشونه موجوده ؟! هل ممكن انه متحسس من شي ؟
وسؤال هل الفول السوداني ضمن الممنوعات اللي اتجنبها اثناء رضاعتي له ؟
في انتظار اسئلتكم // الدكتورة نجلاء محمود (4)
متابعة النقاش، صفحة 109