ما تقبلت شكل طفلتي .. :(

أولا :حمدلله عسلامتج وألف مبروك على النونو
بس الله يسامحج ما خبرتينا شو سميتيها ؟؟؟؟
ثانيا: حبيبتي شعورج شعور طبيعي ولا تحاتين هذا الله يسلمج مثل ماخبروج اكتئاب حمل وأنا حاسه بج لأني مريت به وعسى ربي يعدي فترة نفاسج عخير
ثالثا: وهو الهم صدقني والله وعن تجربه أنا عشتها
عندي أختي ماشالله عندها 3 بنات وماشالله عليهن أول بنيتن تبارك الرحمن جميلات
لكن الثالثه سبحان الله شي ثاني ما يخصها هذا طبعا بداية عمرها وكل من يشوفها يسأل أختي بنتج هذي طالعه على منوه والله اختي ماشالله عليها ما كان همنها كلام الناس بس فهلا كانت بنتها سمره وايد وايد بس والله ماكملت سنه الا وهالبنيه تغيرت ماتتخيلين والله الحينه لو تشوفينها جميله تبارك الرحمن وأحلى من خواتها بعد


أدري طولت عليج بس لا تزيغين عليها باجر بتشوفينها عروس والكل يتمنى ظفرها

والله لد خالتي اول ماجابته كان اسوووووووود مرة وشكلة مو حلو ومافيه شعر ابددددد

والله كانوا يسمون الفارة لانه كان اسوووووود وهي بيضاء مرة

والله لو تشوفينه الحين ماتصدقين ابيض بياااااااض الثلج بسم الله عليه
وجمييــــــــــــــــــل مرة الكل يحبونه مررررررررة عمره الان يمكن 8 سنوات
طبعا جماله بدا من سنة وحدة

طلع جناااااااااااااااااااان

لؤلؤة خجوله
حمدا لله على سلامتك وسلامة المولودة
لا تحكمي على شكل الطفلة الآن لعدة اسباب
الاول : انه بيحدث بعض التغيير في شكل الطفل بعد شهور
الثاني : ربما انكي تعاني بعض اعراض الاكتئاب التي قد تحدث بعد الولادة
الثالث: ان ما تمري به الآن امر طبيعي لأم مع اول طفل لها وتحلم به ان يكون شكله كذا او كذا مثل فلان او علان وتحلم به ان يكون فيما بعد اذكي طفل مثلا او ذو شخصية مثلا
كلنا نحلم لابنائنا وبناتنا بهذه الامور
ثم ثم ،،،،،،،،،،،،،،،،،،،،،،ماذا ؟ نفاجأ على حسب حجم الحلم ،،،،،،،،،،،،،،،ونشعر بالاحباط وعدم الرضا
الرابع : مهم جدا في الطفل اكثر من شكلة ان يكون طفل سليم معافى غير معاق
خامسا: لا تقلقي من هذا الاحساس فهو سرعان ما سيتبدد لحدوث تغيير في شكل الطفلة ولزيادة ارتباطك بها ولظهور صفات معنوية تحبينها مع تطور الطفلة وتقدم العمر بها
لي تجربة مع ابنة اختي كنا ننتظر قدومها ومولدها بفارغ الصبر ولن انسى ما شعرنا به من صدمة حينما رأينها أول مرة ولم ننطق ولم نعلق!!!!!
ومرت الايام وبعد فترة قصيرة( شهور) حدث لها تغيير في الشكل الى حد كبير اصبحنا نستحسنه
والآن ماذا هى عندنا بملامحها الجميلة الصغيرة وبشعرها الغير ناعم بالمرة هى قرة عين لنا جميعا
وهى عندنا اجمل بكثير من اطفال اقارب لنا هم فعلا والله في غاية الجمال لانها فرضت نفسها بشخصيتها وذكائها ومرحها ( ربنا يحميها )
ويخلي لكي المولودة الجديدة؟ ما قلتي لنا ما اسمها؟

حبيبتي اذكري الله وقولي الحمدلله على كل شي مو مهم الشكل المهم الصحه
انا مريت بنفس الشعور الله رزقني بنت شكلها غريب عنا ابد مافيها شبه منا وسمرى كنت اقول اكيد مو بنتي صار خطأ في المستشفى وبدلوها ومن هذا الكلام وكأنه الله عاقبني على تفكيري وبلاها بمرض في الدم

احمدي ربك عليها وكل ما ضاق صدرك تخيلي لو كانت معاقة والعياذ بالله ،، وصدقيني راح يزول هالاحساس عندك .. لأن الاعاقة مو عيب خُــلقي وبس!! حتى العناية فيه متعبة جدا الله يعافينا وياكم .


وبعدين فترة النفاس حتى الاطفال البيض الحلوين يصيرون شيون ويسمرون ،، فلا يضيق صدرك بتتغير اذا كملت اربع شهور ماراح اقولك بتصير قمر عشان ما تتفاجئين للمرة الثانية بس بتحلو كثيييير ان شاء الله ولونها بيفتح بعد ..

والله يخليها لكم وتذوقون برها ..