بدي اجاوبك على الأسئلة كلها مع سوا
بس لاني بحكي من تجربة .. قبل الزواج كنت انا وزوجي نحب بعض و الحمد لله تمت الخطبة والزواج.. قبل الزواج كنت افكر اني بموت فيه و احبه لأقصى درجة ممكنة .. بس بعد الزواج اكتشفت انه هداك كان ولا شي و انه الحب فعلا بيجي مع العشرة و بيزيد مع المعاملة الطيبة و مع الأولاد .. (مو صحيح انه الاولاد بيقتلو الحب ) ,,, بس أحيانا لازم تصير مشاكل اكيد مو بسبب انه الحب انتهى . .. لانه اللي بيحب حدا مو بيوم و ليلة بيكرهه... بس المشاكل بتصير بين الكل الام و بنتها الأخت و اختها الصديق و صديقه.. بسبب اختلاف وجهات النظر أو مجرد انه واحد من الطرفين مزاجه تعبان ..
يعني ما في داعي نعقد الأامور ونعطيها أكبر من حجمها و اللي تتخانق مع زوجها تيجي تحكي زوجي بطل يحبني ...
بالنسبة للحب قبل الزواج هادي ما اظن الها معيار و لا مقياس ... في شباب بيحبوا و أول ما يحسوا بهالشعور بيروحوا من الطريق الصح و بيكلموا اهل البنت ...و في شباب اللهم يا كافي ...
تساءلات اللي تحب ابو الشباب تدخل......؟
متابعة النقاش، صفحة 2
