تعالوااااا شوفوا مكياااجي ... بس لعيوون بنات حواء

مراحب اختي ...
اول شي اشكرج على المجهود الرااااااااااااااااااااائع في كتابة الموضوع والصور المرفقة والتعليقات المصاحبة ..كلج ذوق والله

ثاني شي ...ذكرتي نوع من الارواج اسمه مايلبلين (اذا ما غلطت)وين الاقيه؟من اي مجمع في قطر؟..

ثالث شي ....انتبهي حبيتي على مدة انتهاء المكياج لأنه ما شاء الله عندج مجموعة كبيرة فلو انتهت مدة شي معين يمكن ما تنتبهين له ....اقلبي اي منتج بتلاقين تحت شكل علبة دائرية مفتوحة الغطا وعليها رقم يكون 6m او 12m او 48 m هاي معناه صلاحية المنتج من تاريخ فتح العلبة ...وركزي على منتجات العناية بالبشرة والعيون بالذات والارواج لانها الاسرع في الانتهاء

مع تمنياتي لج وللجميع بدوام الصحة والعافية

بعد اشكرج ثاني مرة على الموضوع الرائع وتقديمج الأروع ...لا تحرمينا من كذا مواضيع

تسلمين يالغلا على كل هده الصور

تبارك الله عليك

ماشاء الله تبارك الله ...

الله يهنيك فيهم ...وبالعافيه

مشاء الله تبارك الله تتهنين فيهم ياحبيبتي
ممكن اسالك
دائما اسمع دايموند كريم دايموند باودر اش معنى دايموند
اش هوالفل كوفر من فور ايفر ايش يسوي
الوس باودرالبودرة المنتثورة طيب الستارباودر يعني اللميعة صح
وشكرا:26:

سكرة هانم
تسلميين فديتج .. انا احب احافظ على المكياج .. عشان جي تجوفيه كنه يديد .. مشكوره على مرورج ..

lora18
هلا والله بلورا .. مشكورره حبيبتي .. وانا معظم اغراضي الي من ماك ماخذتهم الا من بعد ماجفت موضوعج :) .. تسلمين فديتج ع المرور ..

أضحك وقلبي حزين
ولا يهمج يالغاليه .. الحين اقولج شنو الي ندمت عليه .. وشنو الي ماستغني عنه .. :)
اول شي الي ماستغني عنه ..
-الروج الي من شانيل .. المشمشي .. وايد حلو ويبين طبيعي .. من آخر كولكشن نزل ورقمه 24 واسمه Evocation ..
-البلاش الي من ماك .. البودره مو الكريمي .. اسمه peachykeen ..
-اللمعه البودره الي من جيرلان .. الفضيه .. اسمها pearly touch .. Pure light 00 ..
-شدو ماك .. نايلون .. حلو مع أي لون ..
-دايموند باودر .. حطيه مع أي شدو وبيطلع وااو ..
-واخيرا كحل مكياجي .. سواده حلو وماحسه يسيح ..
ثاني شي الي ندمت عليه ..
-شدوهات مكياجي .. ماتنفع كلش .. ماتبين وبعد دقيقتين تحصلين الشدو طاير ..
-اساس سالوران .. مع انه احسه حلوو .. يمكن لان انا الدرجه الي خذتها ماظبطت معاي ..
ومشكووره على مرورج يالغلا ..

ba7renya
مشكورره حبيبتي .. وتسلمين على مرورج ..

انا حنان الكون كله
تسلمين يالغاليه .. انا اعرف صالون قنطار بس مادريت انه عندهم .. مره وحده قالت لي موجود في محل في شارع النصر بس ماذكر اسم المحل .. مشكورره ..

فلسفة طفلة
الله يسلمج حبيبتي .. ولا تخافين انا المكياج ماايطوول عندي وايد .. ومعظم الي جفتيهم ماصار لهم سنه عندي .. وانشاءالله اجيك عليهم وارمي المنتهي منهم .. مشكورره على تنبيهج وعلى مرورج ..
الغاليه مايبلين .. قصدج الجلوس صح .. وانصحج تاخذين الوردي فاتح :) .. وايد حلو ولونه غير ع الشفايف .. تلاقينه في لايف ستايل في الستي .. وموجود بعد في هاي لاند .. الي في الستي بعد .. واتوقع بعد تلقينه في محل كاريزما .. الي في حياة بلازا او رويال بلازا ..
انا بس انطر متى يفتح عندنا سيفورا .. واروح اخم لي من هناك .. آخر مره رحت فلاجيو.. من اسبوع جي .. شكله كان بيفتح قريب .. مادري فتح ولا .. :42:
موفقه وتسلمين على الرد الحلو ..
mirace
ياهلا فيج حبيبتي .. مشكورره على مرورج ..

{فاقده حنان امها}
تسلمين يالغلا .. ولا تحرمينا من ردودج .. مشكوره ..

ورد الشاهي
ياهلا فيج حبيبتي .. ولا يهمج اسألي الي تبين .. :)
دايموند ترجمته يعني الماس .. الدايموند كريم .. هو نفس اللمعه .. تاخذين منه شوي وتحطينه على مناطق معينه في الويه او الجسم .. يخليها تلمع ويعطيها اضاءه .. واذا تحبين ممكن تخلطينه مع الاساس .. بس لازم توزعينه بسرعه .. لان بسرعه نشف ..
الدايموند باودر .. هو جلتر .. تحطينه ع الشادو .. حلو يعطيج لمعه حلوه .. خصوصا للسهرات ..
الفل كوفر .. هو نوع من مصحح العيوب .. مثلا الكونسيلر .. بس تغطيته قويه وممتازه .. وممكن حتى يغطي الندوب .. انا شريته لان عندي شامه .. كبيره شوي .. في يدي وكنت ابي اخفيها .. نفع معاي بس كان لازم احط كذا طبقه .. وبعدين صرت استخدمه كـ كونسيلر ..
اللوس باودره .. انا الي عندي مات .. مطفيه .. وفي منها اللميعه .. بس مو الستار باودر ..تحطينها بعد الاساس عشان يثبته ..
الستار باودر .. هو شدو حر .. منثور .. ممكن تستخدمينه بروحه .. او بعد ماتحطينه الشدو .. بيثبته لج وبيعطيه لمعه .. بس مو نفس الدايموند باودر .. لان الدايموند باودراقوى .. ومايعتبر شدو .. يعتبر جلتر ..
اتمنى اني وضحتلج كل شي .. واي سؤال ثاني .. انا حاظره ..
مشكورره على مرورج ..:26: