شاركي في النقاش

سجلي الدخول لإضافة تعليق.

التعليقات

23
  1. @dghdosh

    فيض المشاعر*
    غاليتي اليوم في الزمن هذا الانسان الي طيب راح يتعب كثير خاصة اذا كان يتنازل كثير عن حقوقه ولازم تكونين قويه شويه وفي تفس الوقت طيبه بس في حدودالمعقول وصدقيني راح ترتاحي والكل راح يهتم فيك لان الانسان الي طيب زياده محد يعبره اويعطونه اهت…
    يا سلام هذا الكلام الزين وانا ازيدعليه خليك رسميه والله ثم والله ماينفع غيرها وهذا السبب اللي يخليهم يستحون من سلفتك وصراحه بعض الرجال لهم دور الله يسامحهم
  2. كلام الاخت (المهره الاصيله) ماشاءالله عليها احسن كلام
    انا رايي من رايها واهم شي يكون التغير بالتدريج مو فجأه
  3. @wt_ever

    تبين الراحه صدق ..

    نحن نحوس في هالدنيا و نحط هموم فوق هموم في اشيا مش مستاهله ...
    أسلوبهم شين ... بس الدنيا قصيره و الكل يقدر يصير قوي أو جفس أو يريح نفسه و ينسى الناس .. بس مو أي حد يقدر يصير طيب بهالزمن ومو أي حد يقدر يسوي الخير و ما ينتظر من وراه جزى

    إنتي تقدرين تكسبين أجر و حسنات من ورا أهله ... ما اقول اغصبي روحج لان يمكن نيتج تكون العكس و ما تثيبج رب العالمين .. فانتي شوفي وش الاشيا الي تقدرين تستمرين معاهم فيها و سويها لوجه الله ... اذا قدرتي تدرسين حد من عيالهم درسي و انتي تقولين في نفسج هذي كربه فرجتها عنهم ربي إني احتسبها عندك تفرج فيها كربتي ...
    إذا بغوا يتمكيجون عندج .. قولي هذي الساعه المباركه الي يحطون اعتبار لذوقي و أحتسبي مساعدتج لهم عند رب العالمين و قولي يا رب مثل ما حليتهم حليني بعين زوجي لين اصير أحلى نساء الكون بعينه ...
    و امه صيري انتي الي تحثينه يسوي لها احتياجاتها لين تصير معتمده عليه اكثر من اخوانه .. و قولي يا ربي أسالك عيالي يبروني مثل ما زوجي يبر أمه ... ترا هذي والله إنها مهمه مهمه مهمه

    اهم يمكن يثقلون عليج و يكونون في بعض الاشيا وجهم لوح .. فانتي بادب صديهم بس خلي بنيتج مو إنج تصدينهم لانج منغثه او لانج ناويه تصدينهم في كل شي ...

    ما فيها شي اذا قالوا درسي فلانه و كنتي ما تقدرين .. قولي بصراحه غير جارحه والله على عيني بس اليوم عندي كذا أو ناويه أسوي كذا .. بس لا تكذبين
    بالنسبه لملابسك ... إن حبيتي إحتسبتي و إن ما حبيتي شوفي الفرصه إلي تسمح و لمحي إنك ما تحبين هالشغله بس باسلوب طبعا .. بصراحه انا معاك في هالشغله ما أحب حد يحثبر باشيائي الخاصه الله يعينج ..

    زبدة كلامي ... الي يقولج الطيب ماله مكان بهالزمن يمكن كلامه صح ... بس نسوا إن رب العالمين جعل للاخلاق مكانه كبيره في ديننا و عليه ثواب عظيم ... و الواحد بهالزمن يدور الاجر من اي مكان لان الله العالم صلاتنا تنقبل ولا ... ما نقوم الليل و لا بنينا مساجد ولا كفلنا أيتام .. فدام جاك باب للثواب لا ترفسين النعمه و لا تحترين شكرهم و احتري الاجر من رب العالمين :26:

    و سامحيني على الإطاله

تابعي تجارب أخرى من هذا القسم.