رواتبنا عاليه بس غرقانين بالدين ...

اول همسه.......ياحياتي ابد كلامك زي العسل وانا مقتنعه اني غلطانه بصرفي اما سالفة العين عذري لطار الراتب:35: .....ابشرك اني نويت على خطه خمسيه بس عساني اصمل:icon33: ......
lovebird..........هههههههههههههههههه والله ماألومك كل اللي حولنا ودهم يضربونا هههههه
اما من ناحيتي توبه خلاص تعلمت الدرس :42: ......
#$ أم سيف #$ .......ههههههه انا مادري وين مخي عند السوق لاشمال ولايمين يطير ههههههه.... تدرين ان اغلب الخليجين يعانون من المشكله هذي لاننا تربينا على الصرف بدون حساب لما كبرنا فشلنا بتدبير مصاريفنا <<<<<<<<<<راحت العين وجات التربيه ههههههه

عليكن بالصدقه ثم الصدقه ثم الصدقه فنحن اكثر حطب جهنم والعياذ بالله
اللهم اعنا على ذكرك وشكرك وحسن عبادتك
اوصيكن واوصي نفسي قبلكن بالاستغفار فانه باب من ابواب الرزق
استغفر الله استغفر الله استغفر الله استغفر الله استغفر الله

ياهلا باختي حريره ....المفروض ان اسمي اخت السيده مينشن مثلها مامن عقل الله يخلف ....فعلا طريقتك حلوة بالتوفير .....الله يجزاك خير .......
][دندونه][.....الله يجزاك خير......استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله.............

الى كل الاخوات الي سئلوني عن طريقتي والله راح احاول قدر الامكان اني اكتب كل شي بالتفصيل بس الفكرة الاساسية كانت اني اوفر على كثر ما اقدر اوفر
اول شي سويتة قسمت مصروف البيت يعني اروح اتسوق كل اسبوع مرة وحدة فقط وما اطب اماكن التسوق غير مرة في الاسبوع عشان مقاضي البيت والتزم ما ازيد ريال واحد للمصروف الي خصصته للاسبوع واذا صار فيه فائض في المبلغ يعني بقى شي وديت عيال مطعم او شريت لهم العاب او ملابس وطول الاسبوع نشتري فقط الخبز والحليب بس وامسك نفسي حتى لو نقص عندي شي ما اروح اشتري اتصرف وانتي بس لو حستي في الاغراض وفي المخزن راح تحصلي اشياء كثيرة صارلها فترة ومحد استخدمها
الحلويات ما اسوي ابدا غير مرة في الاسبوع طبق واحد فقط يوم الجمعه اول شي عشان الرجيم وعائلتي وعائلة زوجي عندهم سكري عشان كذا انحاول قدر الامكان انه ما ناكل حلويات غير مرة وحدة في الاسبوع وغير كذا ما شي مكلف مثل الحلويات
قبل لا اروح اتسوق للاسبوع اكون عارفة انا هذا الاسبوع ايش راح اطبخ واهم شي الغدا والعشاء طبعا فاقسم يعني يوم صالونة دجاج ، كبسة لحم ، كشري ، محاشي ، برياني ويوم اسوي خضراوات ويوم اعمل رز ابيض مع عدس اموت عليه وكملت اسبوع والعشاء عادة ناكل اشيا خفيفة سندويشات تونة مكرونة بيتزا فطاير شوربة والفطور لانه الكل يطلع من البيت اشتريلهم مفن او كروسان او كورن فليكس مع جبن ومربي ونونيلا لليهال يعني اشيا سريعة واحيانا اعمل لهم بيض او بلاليط اذا كنت صاحية بكير
المنظفات اهم شي عندي الكلوركس ما اعيش بدونة لانه ممتاز في التنظيف وقدر الامكان احاول اوفر فيها لانه المنظفات تاخذ وايد مصرف
نيجي لاهم نقطة الي تقتل وتتعب الاسواق والملابس والاكسسوارات والهدايا وقائمة طويلة ما تنتهي صح ولا لا كلنا نعاني من الالتزامات مع الاهل والاصحاب واهي اكثر شي يكسر الظهر
بالنسبة لملابس الاطفال والله اني كنت اخليهم ينتفو ملابسهم واحط لهم 3 قطع لزوم الطلعات والزيارات جديدة ما يلبسوها وباقي ملابسهم ما اشتريلهم اي ملابس جديدة الا لما الملابس تصرخ وتقول ارميني بس شسوي وانا بالنسبالي نفس الشي الحمد لله العبايات ستر وغطاء اماكن التسوق ما اطبها نهائيا لاني اعرف نفسي اذا رحت راح اضعف واشتري الي اشوفة فعشان كذا قطعت رجلي نهائي من الاسواق وصرت ما اروح الا لما فعلا اكون محتاجة الزيارات بصراحة ما كنت ازور ناس كثير حتى لو انعزم ما كنت اروح كثير اعرف انها نقطة كثير غلط بس ما كنت اقدر على المصاريف والهدايا المكلفة وبعدين راح اعزمهم عندي على البيت وانا بصراحة ما كنت اقدر اسوي كذا مو مع الكل بس مع الناس الي بعيدة شوي بس اول ما خلصت البيت رجعت كل العلاقات مع الناس وصرت اعزم واكرم الناس والحمد لله بس والله انه العزايم تخسر ومصاريف كثيرة والتزامات الناس مشكله للي يريد يبني يعني اذا قعدتي تركضي وراء الناس ما راح تسوي شي
طلعات اليهال كنت اطلع اليهال مرة في الاسبوع طبعا ايام المدارس اوديهم البحر او بيت اهلي اوبيت اهل زوجي او اوديهم الحدايق المجانية اما امكان الترفية الي فيها مصرف مرة كل شهرين اوثلاثة حسب الظروف ومرة في الاسبوع ياكلو في مطعم مو اكثر من مرة
انا وريلي كنا نكتفي بعطر واحد كل شي كنت اوفر فيه في الاكل بس اهم شي اضمن اني اكلهم اكل صحي ومتوازن والحمد لله حاولت قدر الامكان اني اوفر والله وفقني
امممممممم ايش بعد المهم كان بالنسبالي كل ريال اوفرة انا واثقة اني راح احط مكانه شي في بيتي بيت العمر بيت الاحلام الي الحمد لله تحول الى حقيقة بعد تعب ومشقة والله محد يعرف بيها غير رب العالمين كل الناس كانت تضحك علينا انا وزوجي الناس تسافر وتصرف واحنا لا الناس تلبس وتكشخ وسيارات وتلفونا الغالية واحنا ماسكين روحنا عن كل شي اشوف بعيني كل الناس يلبسو احسن مني واصبر نفسي واقول ما عليه انا راح يكون عندي بيت احسن من بيوتهم
والحمد لله رب العالين الله عوض صبرنا خير وشفت البيت والله والله العظيم كل الناس الي شافو كيف احنا كنا انوفر والناس الي ضحكو علينا لما شافو البيت استغربو واستحو على وجههم وقالو تستاهلو كل خير والحمد لله بنيت فيلا كبيرة 7 غرف نوم 8 حمامات صالتين ومجلس كبير وملحق للخدم وحديقة كبيرة والي يشوف بيتنا ما يقول عنه الا انه قصر والله اني لما اشوف بيتي اقول كل هذاك التعب راح وانتهي بس الي باقي هالبيت الي وليعيالي انشاء الله نتهنا فيه باذن الله تعالى اتمنى اني ما طولت عليكم حاولت قدر الامكان اني اكتب كل شي واذا قصرت في الشي السموحة واي سئوال انا حاضرة ومن عيوني الثنتين.