من جربت وصفت الأخت فيافي في فترة النفاس !!!!

عزيزتي ميمي : انا جربت نظام فيافي في فترة النفاس وانا الحين لي شهرين وخمسه ايام بعد الولاده والنتيجه بصراحه مذهله بشكل عجيب الله يجزاها الف خير وانا انصح الاخوات يجربونه وراح يلاحضوا الفرق بس الله يعينكم على ريحة الكبو يبيلك طردين كل اللي في البيت اذا بتتبخرين بيه .

نفس سوال الاخت meme:26:

فيلسوفة زمنها

ممكن اعرف شنو النتيجه بالضبط ؟ وشنو اللي التغيير اللي حسيتي فيه ؟؟
وممكن رابط الموضوع جزاج الله خير

تحياتي :26:

سويت بحث ولقيت الرابط
وبصراحه احترنا بالخلطات

اضغطي هنا

الاخت فيافي حاطه طريقه وفيه اخت حاطه طريقه في قسم العلاج الطبيعي على مااعتقد نسيت اسمها والاخت سيدة الوسط حاطه طريقه ومادري شسوي بنفاسي :11:

اخواتي العضوات
انا نسخت الموضوع وحفظته وشفت الكل يسال عن الرابط وسويت بحث في قوقل بس للاسف مالقيت الموضوع الاصلي بس لقيت الموضوع اللي يجمع كل النظام بشكل مرتب وورا بعض وحبيت انقل لكم الجدول مره ثانيه
بس لحد يسالني عن شي لاني ماعرف

================

وهذا النظام يطبق على الايام الاولي من النفاس او الحيض فاذا كان الحيض سته ايام قسميه الى ثلاث ايام اولى وثلاث ايام اخيرة اما النفاس فعشرين ايام اولى وعشرين ايام اخيرة وهكذا

(((الايام الاولى)):
في الصباح وعلى الريق تأخذين من هذا السفوف بعد جمع نباتاته وطحنها وتأخذين منه 2.م.ك
{ كوب حلب+ نصف كوب حبة سوداء او المسماة بالسمراء+ مقدار فنجال حبة حلوة+م.ك قرنفل}

بعد ذلك تأكلين اما عصيده محلاة وانا سبق وذكرت طريقتها او تأكلين التمرة مع الرشاد وهذه افيد مع قهوه وبعده بفترة كافيه تفطرين ممكن انك تأخذين منقوعة العنزروت بعد الظهر وقبل الغداء وهي مكونه من{ م.ك. عنزروت+ م.ص.مرة + م.ص محلب}
ممكن تشربين شاي الاعشاب ممكن تحليه بسكر او عسل وانا افضل العسل الطبيعي وتأخذين منه مقدار 3.م.ك مع 3كوب ماء وتغليه وهو مكون من النباتات التاليه{ نصف كيلو ميرميه+ اعواد شيح+ نصف كوب كمون+ قليل من قشر قهوه+ نونخه دارسين او ماتسمى بالقرفه + يانسون} وممكن انك تضعين باقي المقادير التي لم احدد بقياس كوب من كل نوع.
وهذه الادويه تستخدم الايام الاولى

والان (( الايام الاخيرة)):
نفس تسلسلك بالادويه ولكن السفوف يختلف وهو مكون من {كوب حبه سوداء+ م.ك. قرنفل+م. ك قرفه + م. ك. فلفل اسود+ م.ص. محلب + فنجان كمون + م.ك. نونخه+ فنجان حبة حلوة(شمر)+ فنجان رشاد}
تستخدمين منقوعة العنزروت نفسها تستخدمين شاي الاعشاب نفسه تعملين كبو كل ليله قبل النوم وهو نوعان النوع الاول كبو الهواء وهو مكون من{ خوا جوا+مرة+كمون+حلتيته+محلب+قشر + بصله+ هدب اثل+ فلفل هواء+ عود هواء+ ورق حنا}
اما كبو الشمم نفسه ولكن سيلي منه فلفل الهواء وعود الهواء وكثري الحلتيته استخدمي التحميلات من اول يوم او اذا بغيتي يوم وراء يوم وهي مكونه من {م.ك. مرة+ فنجال ملح(اما فارسي او خشن)+ م.ك.محلب}
واعجنيهم بعسل وشريهم في تيارات هواء وبعد ماينشفون احفظيهم في مكان جاف ومو شرط في الثلاجه.
احرصي ان تضيفي الي اكلك الفلفل الاسود كذلك الوبياء الحمراء مع المرقوق او المطازيز واذا عندك فقع ( كماء) ضعيه مع اكلك عتمدي على البر لانه جدا مفيد والافضل تتجنبين كل اممنوعات وانا سبق وذكرتها
واتمنى انه النظام واضح وهذا مع اختصارة ولكن ياليت ترجعون لاول الموضوع.
اخواتي تذكرت السفوف تبع الايام الاخيرة تطحنين جميع مكوناته ما عادا الرشاد لا يطحن ارجو اني وضحت

=============
تحياتي
:26: