شاركي في النقاش

سجلي الدخول لإضافة تعليق.

التعليقات

986
  1. @kshaah

    -شمس الشموس-
    اسعد امراءة سلامتك انشاء الله.... وبالنسبة لي اخذ حبت حديد وحدة في اليوم واخذها قبل النوم .. واسالي دكتورتك متى تسوين تحليل مرة ثانيه... ومثل ما قلتي الله يعدي هذي الشهرين علئ خير. كينونه حياك الله .. انا مثلك جديدة:) والف مبروك النونو..…
    السلام عليكم بنات كيفكم
    انا الحمدالله امس رحت راجعت عند دكتوره ثانيه وقلت لها وش قالت لى الدكتوره اللى اراجع عندها سوت لى الالتراساوند والحمدالله لقت كل شي تمام المقاسات متناسقه ووزن البيبي على الاسبوع 23 يعني طبيعي مافيه ،، ومره طمنتى الحمدالله وفرحت كثير بس بصراحه مقهورررررررررره من هذيك الدكتوره حسبي الله عليها روعتني وبس
    وقلت لزوجي خلاص ماراح اراجع عندها كرهتها اذا ان شاء اللع دخلت السابع بروح اراجع عند زهيه كمكم اللى في الحبيب لانى ودي هي اللى تولدني

    دلوعه
    على البركه حبيبتي وش رايك بالحركه ؟؟ احساس غريب صح

    اسعد امرأه
    الله يكون في عونك حبيبتي وان شاء الله يرتفع عندك الدم واهم شي فعلاً تحرصين على الاكل والعدس تراه مره غني بالحديد كثري منه واكيد الامساك بيزيد عند عشان اكلك كله فيه حديد
    لكن كلى عنب حلو ويلين البطن


    جودي
    لا عادي وزن الجنين انا تقريباً مثلك تقول من 500 الى 600 جرام تقريباً وقالت لى حجمه طبيعي

    كينونه
    الف مبروك الحمل حبيبتي والافضل انك تراجعين دكتوره تتأكد من وضع الجنين انه داخل الرحم وتكتب لك حمض الفوليك انا كم اكل 5 ملغم
    وبالنسبه للوحم ماراح يبين معك الا بنص الشهر الثاني انا مثلك اول ماحملت توقعت الوحم على طول يطلع بس مابين معي الا بنص الثاني وان شاء الله يكون وحمك خيف
    وبالنسبه للمغص ترا عادي اول اشهر الحمل بتحسين فيه لكن اذا كان قوى ونزل معه قطرات دم انتبهي وروحي للدكتوره لانه احتمال يصير عندك مشكله في الحمل
    وبالنسبه لزياده وزنك لازم يزيد مع الحمل بس الزياده الطبيعيه اللى هي من 10 الى 12 كيلو خلال فترة الحمل كلها وانتبهي الزياده تكون اكثر في الاشهر الاخيره انا تقول لى الدكتوره انك من السادس راح تزيدين كيلوين كل شهر وصدر راح يكبر وبيكبر على طول من اول الاشهر ولا يضيق صدرك ولا شي ،، كلنا في الهوا سوا وان شاء الله كل شي يرجع لطبيعته بعد الولاده
    والفستان يعني بعد شهرين بتكونين تقريباً في الثالث واكيد بيطلع لك كروشه صغيررررررررره واحتمال مايطلع فيه بنات مشاء الله يوصلون الخامس مو مبين عليهم ،، انتى لاتشترين الحين على نهاية شهر سته اشتري فستان عادي مو للحوامل بس تكون قصته واسعه من الوسط وفيه فساتين كثير الحين تناسب الحوامل اللى يجي بقصة من الصدر ومن تحت مكسر كله من فستان اليسا في اخر فديو كليب لها اللى لونه فضي على بيج ،، اذا كنتي نحيف بيناسب لانه مايناسب السمينات


    احلام عذبه
    الحمدالله انا طلع حجمه طبيعي بس الدكتوره حسبي الله عليها خوفتني وبس ولا انا قريت في كذا موقع انه الاسبوع 23 يكون حجمه من 550غرام الى 600 وانا كان تقول حجمه 600

    انهار
    الله يتمم عليك يارب ويهون عليك وتولدين بالسلامه

    مربى كرز
    طيب انتي راجعتي لما دخلتى الخامس ولا مابعد ؟؟
    يمكن تكونين غلطانه بالحساب متى اخر دوره لك ؟؟
    وكلى لك شي في سكريات مثل الشكولاته ونامي على ظهرك شوفي تحسين بالحركه ولا لا


    سكر عسل
    الله يوفقك في اختباراتك ،، صار الدكتوره مروعتني وبس والحمدالله على كل حال انا اهم شي عندي البيبي وخفت لما قالت المقاسات غير متوافقه ،، ولا الحجم عادي لو كان صغير شوي ان شاء الله اذا طلع بيكبر
  2. @anhar_14

    مربى كرز
    انا ما حسيت بالحركه الا نص السادس تقريبا .. لو تشووفيني انا وامي هوووووشه .. تقول كيف ماتحسين !! حركه خفيييييييفه ما تستوعب مره .. الله يسهل عليك
    :
    :
    بنات حسيت اني بااااارده تخيلوا انا بنص التاسع وللحين ما جهزت شنطه للمستشفى وباقي لي اشياء ماشريتها
    مثلا:
    سنتيانات رضاعه (من وين تنصحون .. وكم اشتري !)
    ومفرش للطفل مالقيت شي مناااااسب... ودي بشي ابيض بس كل الي اشوفه ملون .. مدري وين القاء مطلبي!
    وبقى لي شبشب للمستشفى ..
    وخرابيط الطفل ,, من رضاعات و..الخ اشتريها الان ..! والا بعد الولاده !! انا ببالي بعد الولاده يعني بالمستشفى مو هم يعطوننا !!!
    صح وبسألكم بعد.. مره وحده قالت لي انها اخذت تمر معها في الولاده تأكله . علشان يسهل الولاده .!! احط معي بالشنطه ! يعني في مجال اكل !!!!
    احسكم تقووولون من وين جايه هذي ......بس والله بكرررررررررريه مررررررره خااااااااااااايفه :( مو مستوعبه انا الموضوع قرب...
  3. @am_khald_33

    الله يسهل على الجميع

    اسعد امراه
    انامثلك الحديد معي نااااااااااااازل مره
    وبديت من اليوم اكل زبيب اسود واخلط بنجر مع العصير واشربه
    ومع حبوب الحديد والله يعين

    لتجنب فقر الدم الناتج عن نقص الحديد فإن الجسم يحتاج لعنصر الحديد لذلك يجب تناول الاغذية الغنية بهذا العنصر مع كل وجبة وهي:
    • اللحوم الحمراء والكبدة.
    • الدجاج وصفار البيض.
    • البقول ( الفول، الحمص، العدس، الجوز، اللوز، الفستق، الخبز الاسمر، الشوفان، البذور).
    • الخضراوات الورقية ( السبانخ، البقدونس، القرنبيط).
    • الفواكه المجففة ( الزبيب، المشمش، التين، التمر).
    • تناول الاطعمة الغنية بعنصر الحديد مع الاطعمة الغنية بفيتامين ج (البرتقال، الجريب فروت، الطماطم، الفلفل الاخضر).
  4. @asaad_amrah

    صاحبة الموضوع
    مشكورة قشعة ومشكورين جميعا .............
    كينونه الحمد لله ان ما معاك وحم حتى انا سبحان الله ما عرفت الوحم بس ما استغليت الفرصة واكلت كويس واهملت لين صار معي فقر دم فحاولي تستغلين الفترة هذي وتاكلين كويس ..........
    سكر عسل الله يوفقك وتتخرجين .............
    مشكورة ام خالد بس باسالك انا سويت الشمندر بس طلع كثيف مرة لاني حطيت في الخلاط ثلاث حبات يا ليت تقولين لي طريقته بصراحه انا ماني متقبلته بالمرة
    بنات بكره حفله تخرجنا دعواتكم ان الله يعديها على خير وراح ترعاها حرم الملك عبد الله ...........
  5. @ahlam_aathbh

    الحمدلله ياقشعه ان الامور طيبه00ترى هذول الدكاتره منهم زينين ومنهم ناس أعوذ بالله ما أدري كيف صاروا دكاتره00تصدقين ان هالروع اللي تسببته لج حظرة الدكتوره كان ممكن ينتج عنه مشاكل ثانيه00الله يهديهم يارب ويخليهم يكملون رسالتهم على أكمل وجه00الحمدلله ان البيبي بخير وبصحه طيبه00
    اختي انهار 00لازم تاخذين اشياء وتجهزينها له قبل ماتروحين المستشفى00وانتي بعد لازم لج اغراضج الخاصه00بعدين تكونين بحاله صعبه ومش متفيجه لها لاشياء00الله يوفقج يارب ويسهل عليج ولادتج لاتنسينا من صالح دعاج00

    اختي اسعد امراه00هالله هالله في عمرج وعليج بالنصايح00والله يوفقج باجر انتي وزميلاتج في حفلة تخرجكم00

تابعي تجارب أخرى من هذا القسم.