ياقلبـــــــــــي عليه ,, رحمة الله عليه وعلى امه
بسم الله الرحمن الرحيم
السلام عليكم يا بنات حــــــــــــــواء ,,, وربوع مبارك عليكــــــــــم
اليوم رحنا لبيت جدي الكبير عندهم جمعه وعشا واحنا قاعدين نتحكى ونتكلم قالت وحده قريبتي قصه
والله يابنات ان قلبي اتفطر وعيوني دمعت وما ادري اش حصلي المووووووووهم
القصه لواحد من اهل القصيم اتزوج وحملت زوجته ولما ولدت وجابت الولد توفت الله يرحمها ويغفرلها
قام الاب اخذ الولد وحطه عند امها وبعد فترة تزوج الرجال واخذ ولده عنده عند زوجته طبعا الموهم كبر
الولد والي مسئول عنه الشغاله خالته مرت ابوه مالها شغل فييييييييه ابد حسبنا اللله ونعم الوكيل
ومره من المرات سار عندهم عزيمه كبيره وتعرفون وقت العزايم يكون البيت حوسه والبزارين بكل مكان ومن ذا الكلام الموهم جا الولد لخالته مرت ابوه وقالها انا جيعان ابغا اكل
حطتله اكل بصحن وقالتله رح كل بالساحه يعني بالحوش وكان الوقت شتاء وبرد نزل المسكين وحس بالبرد وراح جلس ورا باب من البيبان الي بالحوش واكل وجاه النوم وناااااااااااام
خلصت العزيمه وكل واحد راح لبيته ونامو اهل البيت كلهم وباخر الليل شاف الاب زوجته الي توفت تقوله يافلان وين الولد قام فز من النوم وسأل زوجته الولد وينه قالت تطمن عند الشغاله
رجع نام ثاني وشاف زوجته مرة ثانيه تقوله يافلان الولد وينه وقام وسأل زوجته مره ثانيه وقالتله نفس الكلام رجع نام وشاف زوجته ام الولد تقوله خلاص يافلان الولد عندي ارتح ... قام وطار للشغاله يسألها عن الولد قالتله ما ادري عنه يابابا هوا عندكم قامو يدورون عليه بكل مكان ولقوه مرمي ورا باب بالحوش ومتوفي ..............لا حول ولا قوة الا بلله
ياحريم الله الله بالايتام خاصه يتيم الام وانتي يا زوجة اذا كان لزوجك اولاد من غيرك فراعي الله فيهم وخلي اجرك على الله تخيلي لو ابنك يدور الزمان ويكون تحت يد رحمة وحده غيرك !!!!
انا تأثرت جدا بالقصه هاذي لدرجه انو مو جايني نوم وقلت اكتبها تكون عبرة والسلام عليكــــم