اهلين اخواتي
انا استخدمت مجموعة منها و بصراحة هيا من الاشياء الامريكية الي مقدرت اقاطعها رغم ان منتجاتها اخواتي ممتازة بس مو نفس جودة بعض منتجات اخرى كنت اشتريها من الخارج زي ماركة بوتز مثلا. المهم لانها الوحيدة والبديلة الموجودة هنا حاليا في البلد لحد ميفتح ربي علينا:09: و يفتح عندنا بوتز انشالله خخخخخخخ استخدمت منها مجموعة بسراحة
استخدمت حبوب الاظافر والشعر = يعني نوص نوص
حبوب الارق و حبوب ادرار الحليب لما كنت ارضع وبالاربعين يجيني انا عادة ارق بعد الولادة اسير مقدر انام ولا حاجة معرف اش يسير بس تحسنت معاها يجي الليل ونا احس اني حموت من النوم و سبتها طبعا اول ما كبر البيبي وخفت الحالة عندي.
حبوب معرف والله اش اسمها بس استخدمتها مع النفاس لفقر الدم هيا مخصصة فقط لفقر الدم كانت مرا كويسة.
و حاليا رحتها من فترة عندهم عروض شريت حبوب ملتي فيتامين عشان انا يجيني فقر دم مع الدورة بسبب اللولب وكنت متعودة اخد حبوب فقط تاكليها للدورة الشهرية بس ملقيتها هنا ف السعودية فسالت عن شي شبيه لها قالي في نوع مممتاز للمراة بشكل متكامل لفقر الدم والدورة والفتامينات الي تحتاجها كلها ومخصصة فقط للمراة وزي مقالت الاخت اسمها الترا ومن وانا مستمرة عليها واحس بتحسن الحمد لله.
زوجي عشان متعود يسوي رياضة وانقطع فترة كان يدرس فيها حس بخمول وارهاق اخد منهم حبوب تساعد على حرق الايض والسعرات بشكل اكبر وتدي طاقة اكبر اسمها الكارنتين و يقولي انها كويسة جدا معاه!!!
ترا انا مو مهووسة حبوب خخخخخ وماخد انا الحبوب دي عمياني يعني بس الا بعد مقالت لي الدكتورة انو نحنا الحريم نحتاج نامن اكتر من الرجال بسبب طبيعة جسمنا و تركيبو الحمل والولادة والرضاعة والدورة وانقطاعها وتكسر العظام الخ الخ الخ <<< مسسسسسسسسسسسساكين الحريم تقول :( و بعدين هيا كلها اعشاب و ما فيها ضرر باذن الله لانها ماركة ممتازة وحددة جرعاتها و نحنا بسراحة مناكل كل شي متكامل و مافي وقت ناكل فتامينات و معرف ايه طبيعية كل يوم وخاصة انا ماكل اللحوم وخاصة الحمراء الا نادرا :( حسب الطبق والطعم فعندي مشكلة فقر الدم.
الله يا رب يديم علينا الصحة والعافية فهي تاج على رؤس الاصحاء لا يراه الا المرضى
قال عليه الصلاة والسلام : " من أصبح منكم معافا في بدنه آمناً في سربه عنده قوت يومه فكأنما حيزت له الدنيا بحذافيرها"
اتمنا افدتكم و سي يوووووووو:26:
كل وحده جربت gnc تدخل الله يبارك فيكم
متابعة النقاش، صفحة 3