شاركي في النقاش

سجلي الدخول لإضافة تعليق.

التعليقات

9,185
  1. كاس شاهي
    هلا بك ريم الاحساء ويسعدنا انضمامك للرابطه لا تخافين حبيبتي العمليه مرره سهله ولله يقومك بالسلامه وما تشوفين شر وبانتظار مشاركتك وطمنينا عليك اذا قمتي بالسلامه
    السلام عليكن حبوبات و احلى صباح لاحلى متحزمات..........

    اخباري الحمد لله تمام التمام بس الي قاهرني صار لي 4 ايام وانا محترمه نفسي عدل عدل بس وزني آآآآآآآآآآآآآآآآآآآآآخ يالقهر ما قاعد يتحرك 95.2 افففف طفقني في عيشتي بس وييييييييييييين وراه وراه لين ينزل. البارحه كان عندي علاج بالكهرباء للسيلوليت قلت للاخصائية اباه على اعلى درجه قالت تتحملي قلي هييييي و البنت ما قصرت حطته على اعلى درجه و هو مثل الذبذبات الكهربائية تكسر السيلوليت الا و احس بشد رهيييييييييب في فخذي ( الا كسر لي عضلي ) قلت اتحمل اتحمل لين خلصت الجلسة و بعدها قمت اعرج شفتوا الخبال الي على اصوله الحمد لله اليوم اهون. البارحه مشيت 45 دقيقه و سيكل ثابت 35 دقيقه و اوربت راك 10 دقائق و بعدها تمارين مختلفه لمدة 20 دقيقه بالاثقال و للبطن اكلي خفييييف بس المشكلة اني اخلص دوام الساعه 4 و على طوووووووول عل الجيم ما اطلع الا بعد المغرب يمكن على 7 المسى لين اوصل البيت مع الزحمه تكون الساعه 8 اقعد شويه مع الاهل ( قولي على التيليفون مع حبيب القلب ) لييين الساعه 10 اتعشى و انام يعني العشى مستحيل اكله قبل ال9 و بعدها انام و لازم اتعشى لاني بعد الرياضه و مجعود اليوم كله اكون ميته من اليوع صح اكل 3 وجبات في الدوام بس بعد لاني اقوم بكل هل المجهود انفيع على اخر الليل انا ما اكل اي شي غلط بس اكل قبل النوم تقولون هذا السبب الي موقف نزولي لان ما في اليد حيله اذا ما روح الجيم على طول من الدوام رح اسوف و اطنش اعرف نفسي ؟؟؟؟؟:( :(

    همسات الرياض : هلا و غلا بالحبايب و عليكم السلام اشتاقت لك العافيه حياتي.
    ديري بالك على عمرش و حاولي قدر الامكان ما ترجعين لان مع كثر الترجيع ممكن تتحرك الحلقه و تسبب مضاعفات و ان شاء الله ينزل وزنك و كثري في هل المرحله من الفيتامينات و الاشياء المغذيه لانك ما رح تقدرين تحصلين عليها عن طريق الاكل و بالتوفيق حياتي عسى ما يجيكي شر ابد و توصلين للوزن المطلوب بصحه و عافيه ......... تعالي شو عن التمارين و الرياضه ( حشرتينا عسول رياضه رياضه بلاش ما تنهدي شوي) بس و الله اخاف عليكن كلكن من الترهل لان الله الواحد بس يعلم شكثر اعاني علشان اكافح وحش الترهل صحيح الضعف حلو بس الاحلى الجسم المشدود الي ما فيه كلاكيع مكلكعه.

    ريم الاحساء : حياش الله اخت عزيزه و غاليه اذا عندك اي استفسار من عنووووووووووني تدللي الغاليه .......... العمليه سهلاااااااااااااااااا جدا و ارجعي لردي السابق لكوكيتا ممكن تستفادين و البنات بعد ما يقصرون بس تعالي وشو مندوب حق شو ؟؟؟؟

    كاس شاهي : العسل حياتي قاعد يقطر من كاس الشاهي الا شهد مو بس عسل ان شاء الله انا وانتي نتهني بانهار العسل متجاورين في الجنه تحت ظل عرش الرحمن يا رب.
    الصراحه صدمه سعودي و ما يدير باله على بنت بلاده .......... همممم و الله ما اعرف سبحان الله يمكن فعلا عنده ضغط ما دام انو شاطر لان الدكتور الشاطر دايما عليه طلب و ضغط الله يعينهم بس مثل ما قلتلك يوم تاخذين الموعد و تروحيله قوليله من البدايه انك رح تنتظرين بالمستشفى بعد ما تشربين كاسة ماي موب شاهي اوكيي لين تحسين انك مرتاحه و اذا ما ارتحتي رح ترجعين علشان يسحب لك من السائل و الله ييسر لك الخير. لا حياتي ما تشوفيني لين يصير جسمك و جسمي سكسيييييييي يعني مانيكان و هذا الوعد الي وعدته للثلاثينيه و هي حبيبتي و اكثر انسانه اقدرها الي دايما توقف بجانبي خلاص بس نوصل للوزن المثالي ابسوي حفله في برج العرب و ابعزمكم طبعا الي وصلت للوزن المثالي بس علشان نسوي عرض ازياء هااااااااااااا ما في بوفيه بس عرض ازياء و رح اجيب افخم الازياء من ارقى دور العرض علشان نجربها شو رايك. سبحان الله ممكن حد يكتشفنا و نسوي فرقه مثل الفور كاتس.

    ريموووو: حياتي اقري على نفسك صحيح وناسه يوم نسمع هل الكلام بس العين حق. ما شاء الله ما شاء الله ما شاء الله الله يقويكي شو هل الشطاره و الحلاوه كلها واااااااااااااو ترى جسمك يجنن الحين عقبالنا يارب ادعيلنا الغاليه. انتي اول المعزومين على حفلة برج العرب شو بعد تدللي الغاليه.



    بنات طبعا واضح ان نفسيتي مرتاحه ادعولي الله يخلي نفسيتي دايما مرتاحه و ما :arb: يقعد يغثني كل شوي ترى و الله قلبي بعد ما يتحمل.............. صايره حمالة اسيه البنت.

    يلا بااااااااااااااااي اشوفكن بعد الويك اند
  2. @ftom_alaasl

    صباح الورد على احلى بنوتااات اخبارك ان شالله تمااام والنفسية عال العال

    كاس شاي : هلا اختي مثل ماقالولج البنااات لين رحتي وضوقتي تاكدي قبل لاتطلعيين انج تقدرين تشربين ماي واذا هالدكتوور تاخر عليج ليش ماتاخذين اوراقج وتروحيين تشيكيكن عند واحد ثاني لانه مبين همه الربح بس فياخذ حالات وايد لدرجة انه مايقدر يتابعهم مرة اول باول عموما موفقة يالغالية .

    همسااات الريااض : هلا حبيبتي منور بوجودج يالغالية وابي اقوج شي اسمج وووايد حلو روماااااااااااانسي ( ياسلام على الرايقة ) بس ماقلتي لنا جم كان وزنج وجم نزلتي للحين ؟؟؟؟
  3. @ftom_alaasl

    ريم الاحسا: هلا فيج اختي لا تحااتين ولا تخااافين ان شالله بتسوينها وبتقومين بالسلامة :) حياج الله اختي معانا عزيزة وغاالية .
    رييم : هلا حبيبتي الحمد لله ان النفسية احسن الا بسالج انتي جم طولج يمكن وزنج قاعد ينزل شوي شوي لانج قربتي من الوزن الثالي تدرين انا قريت ان في البدااية ينزل الوزن بسرعة وبعدين لين قرب الجيم من الوزن الي ينااسبة ينزل شوي شوي بس كل مانزل كيلو يبين فيه عدل عموما استمري وثابري وان شالله بتوصللين للسبعينااات قريب تحياتي لج .

    عسوووووووولة : هلا ياعمري ايه هذا الي نبيه النفسية الحلوة واايد تساااعد ويمنك الفترة الي زااد وزنج فيها لانج كنتي تحااتين وتفكرين وااايد الله يطمن قلبج ويفرح قلبج على طووول
    بس تعااالي حد يسوي سوااتج الله يهديج بس كان المفرووض تتدرجين في العلاج عشان ماتتعب عضلاتج ريحي نفسج ولا ترهقينها وااايد لا تنسيين اتي عروووس ولازم تبينين مرتاااحة
    بالنسبة للاكل في الليل ماعتقد ياثر الا اذا كان دهوون وحلو بس اذا كنتي يوعااانة لازم تاكلين بس حاولي تجدمين موعدها عشان ماترقدين على طوول بعد الاكل يالله يااارب ما تجي اجازة الصيف الا وحنا في الثماااااااانين ااااااامين .


    بنوتاااات حبيت اسلم عليكم وقولكم انا بغيب في الويكند لاني بسااافر اتمنى اني ماخبص لان ريلي واعدني يقولي ابي ادلعج وابيج تااكلين الي تبينه قي هالسفرة عشان النفسية ترتفع انا ماصدقت الوزن ينزل الله يستر بس ومااخبص دعووااااتكم حبايبي فمان الله
  4. @ytymh_21

    اختكم المتحزمه الجديده انضمت لكم رســـــــمي
    الحمد لله اجريت العمليه يوم 20-5-2007
    الامور كلها تمام
    دخلت المستشفى وزني 106 بالضبط يعععععععع الله لايعود هالرقم
    والحين وبهاللحظه وزني 99.3 مووووووومصدقه توني وازنه
    دخلت عالم الرقمين حدي مستااااااااانسه
    طبعا كلي حماس لرجيم والرياضه بس مكان الجروح يعورني ليلحين
    ماقدر اسوي شي المشي شوي شوي امشيه
    بس اشرب ماي وعصير اناناس وعنب هذا نظامي
    وشوي شوي بحاول اشرب انواع ثانيه من العصاير
    وبستمر على هالنظام
    والحمد لله مافي غصه ولا ترجيع ولا شي بس الم مكان الفتحات
    والف الف الف شكـــــــــر لكل وحده ردت علي ودعت لي
    وراح اوافيكم باخر اخباري وراح اتابعكم دووم ان شاء الله
  5. @kmrngd_1

    السلام عليكم
    كيفكم ياحلوات وربي وحشتوني :( ابشركم ماوزنت اخاف القا نفسي زايدة بكرة موعدي مع رجيم جودي مايزل عشان ابي اروح لدكتوري اضوق لي 5 شهور مادخلت علية ادعوا لي :)

    عسووولة ربي يوفقك ويسخر لك يارب ويوفقكم