وينكم يا بنات الرياض والا تحوسون بالأسواق

:rotaeye: بسم الله الرحمن الرحيم
السلام عليكم ورحمة الله وبركاته
هلا حبيباتي بنات حواء
زي ما انتم عارفين ما بقى على الاجازه الصيفيه الا فتره بسيطه وأغلبكم الحين عنده زواج يا من قريب أو من بعيد وأغلبكم ألحين يحوس بهالأسواق
بس يأخواتي ياليت نتعاون في كتابة أفضل المحلات لملابس الزواجات الجاهزه لأننا ملينا من التفصيل اللي ما يطلع حلو
واللي راحت محل ولقته حلو من حيث الشكل والأسعار تقولنا عنه عشان نستفيد لأني محتاره من وين أشتري
رحت للفيصليه اما يكون مو حلو أو السعر مرتفع بزياده ورحت حياة مول الدور الثاني ونفس الشي لقيت في ألبرت حاجات حلوه بس غاليه والبديعه مول وسلام مول مو زينات مره
أنا قلتلكم عن تجربتي مع الأسواق والباقي عليكم
أنتظر ردودكم الحلوه:luvkiss:

22 تعليق 1,634 مشاهدة

شاركي في النقاش

سجلي الدخول لإضافة تعليق.

التعليقات

22
  1. وعليكم السلام ورحمة الله وبركاته

    أنا بصراحه ما رحت أشوووف .. لكن صديقتي نفس حالتك ..

    راحت لعمائر السيركون تقووول فيه أشياء حلوهـ .. وأسعارها من الألفين وفوووق ..

    جربي روحي للشارع الأمامي على طريق الملك فهد (مركز العجلان) أنا مرهـ شريت فستان من عندهـ حلللو ..

    فيه كمان محل أظن اسمه (الفخامه) جنب محل الرماح للأقمشه إذا كنتي تعرفينه ..

    أنا صراحه من زمان رايحه له فما أعرف ألحين هو كيف ؟؟

    أذكر من فترهـ بعيدهـ رحت محل (عمر بن صديق) أشيائه عاديه

    يعني أحس أسعارهم مو متناسبه مع شكل الفستان .. إذا عندك وقت روحي جربي حظك ..

    عموما الجاهز تلاقينه بالصدفه والحظ ..

    إن شاء الله أكون أفدتك ..
  2. صاحبة الموضوع
    (ليالي الغربه)
    اعذريني بس وينه فيه سنتريا
    (بيار )
    يعطيك العافيه ما قصرتي
    (أمجاد ومنار)
    مشكوره على المرور
    وانتظر حلوات الرياض الباقيات

تابعي تجارب أخرى من هذا القسم.