مساكم الله بالخير
اخواتي اتمنى انكم تفيدوني كلكم عارفين انه الاجازة على الابواب وولدي الله يخليه لي عمره 7 سنوات ومره نفسه اعمله حفلة له ولأصحابه للنجاح وانه نعملها في احد الملاهي الترفيهية يعني فن تايم وكذا يعني الاطفال يلعبوا بالملاهي مع بعض ويتعشوا ويقطعوا كيكة النجاح وبعدين كل مين بيروح لحاله وهو مره خاطره في الحفلة لكن انا مرة مترددة نفسي اعمله هي بس خايفة اندم على المصروفات الي كلها حتروح هدر في يوم واحد وعشان شي ماله داعي خصوصا ان الحفلة حتكلف في حدود ال 1700 ريال وكمان خايفة اني مااعمله الحفلة وهو يزعل خصوصا انه واحد من قرايبنا حيعمل حفلة مشابهة للي بدي اعملها له واخاف لما يروح حفلة قريبنا يزعل ويحس اني مقصرة معاه في شي خصوصا انه ملح علي مرة وساعتها حأندم اني ماعملتله هي بالله ياأخواتي ايش رأيكم اعمله هي والا لا
شاركي في النقاش
سجلي الدخول لإضافة تعليق.
التعليقات
8- انا من وجهة نظري أأيدك تعمليها لانه احنا مانعمل اعياد ميلاد لانه حرام لكن الاحتفال بالنجاح مافيه شي
- انااسوي حفله لبنتي في البيت واشتري هدايا للأطفال اللي يجون الحفله والبسها لبس مميز مع تاج
- عزيزيتي : عيون حبيبي .................
الجيد في الأمر أن لا تحرمي ابنك ما يُعطاه غيره ، وخاصة الطفل كثير المقارنة دائماً مع أقرانه ،،ولكن من الأفضل عدم الإسراف في الأمر ولا التقتير وإنما التوسط والاعتدال وانت الأدرى بما هو أفضل ...حتى لا يقع الإنسان في أمر يحاسب فيه أمام الله عما فعل حتى ولو كان في أمر مباح ....
دعواتكم الطاهرة لنا في ظهر الغيب - أختي اعملي له حفلة في البيت ؛ أوفر وأريح لك ..
ابحثي وراح تلاقي أفكار لحفلات الأطفال في المنتدى :) .. - حاولي ايجاد مكان ارخص من كده و موجود ....
انا ما اعرف انت فين لكن اكيد اذا سالأتي راح تلاقي ...
او سويها في البيت ... كيكه كبيره .... و ساندوتشات ممكن تسويها فى البيت او ممكن من بره ...والهاب ... هدايا من ابو ريالين ... وخلاص ...
طيب ما دام احد من قرايبكم بيسوي حفله ليش ما تتشاركوا انتم الأثنين فى حفله واحده ... لوفر لكم صح ...
تذكر اختي قالت لي مره ان هرفي يسوي حفلات حلوه و تكلفتها معقوله جدا ... و فيه محل حلويات اتعامل معاه فى الرياض كيكاته مره روعه و اسعاره معقوله او عند هرفي كمان اسعاره جدا حلوه و كيكاته حلوه ....
الله يوفقك و يساعدك تبسطي ابنك ...
مواضيع مشابهة
تابعي تجارب أخرى من هذا القسم.