شاركي في النقاش

سجلي الدخول لإضافة تعليق.

التعليقات

33
  1. عسى الله يشفيها ويقومها بالسلامة

    بس يا اختي يمكن يكون هالشي خير لها لاني كنت حامل في حملي الثاني وكان ينزل مني دم في شهوري الاولى ولاني سقطت من اول عطتني الدكتورة حبوب مثبتة للحمل وتم حملي على خير حتى الشهر السابع لما قالت الدكتورة ان الطفل مو طبيعي وفي راسه موية وان راسه كبير بالنسبة لجسمه وكنت كل ما اروح المستشفى آخذ أغراضي معي وكانو يقولون الطفل ما راح يعيش ودخلت التاسع وفي نصه حطوا الطلق الصناعي بس ما فاد بعد العذاب ويومين في المستشفى في الآخر سووا لي عملية بعد ما توفى الجنين والدكاترة كانوا يتكلمون بينهم بالانجليزي ان الطفل مات اثناء الولادة وقبل العملية سمعتهم وجلست اترجاهم يسوون لي العملية ودخلوني العمليات واخرجو الطفلة ميتة من رحمي

    آسف اني طولت عليك بس حبيت ابين لك انه يمكن تكون خيرة من رب العالمين لا يصير فيها مثل اللي صار فيني

    بس في المقابل لو تم حملها على خير ان شاء الله
    طمنيها لا تخاف لان اعرف وحدة كانت من يوم ما حملت وهي معها دم لين ولدت وكانت ما تتحرك من السرير طول حملها الا للحاجة ومع الربط والراحة تم حملها على خير وجابت بنت طبيعية معافاة سليمة تمت كم يوم بالمستشفى بعدين طلعوها والحين عمرها حوالي ثلاث أربع سنين

    أدري طولت بس عسى الله يهون عليها ويكتب لها اللي فيه الخير
  2. @amptfah_khdraaaamp

    حبيبتي الله يقومها بالسلامه ويخلي لها جنينها ويقوم بالسلامه اذا انشالله وزنه زين لا تحاتي انشالله يحطونه بالشيشه ويكبر ويصير ريال ..انا صار معاي جذي بحملي الاول وصار عندي طلق وانفتح الرحم اخر شي 6سم ..وكنت 26 اسبوع تقريبا اخر السادس وكانت بنتي وزنها كيلو ولما ولدتها نزل وزنها وقالوا لي انه طبيعي ينزل وزنها وصار 820 جرام وحطوها بالشيشة شهرين والحمدلله الله ماقصر معاي بالدعاء بنتي اليوم عمرها خمس سنوات الحمدلله يارب والفال لولد اختج تشوفونه ريال ان شاءلله يارب سامحيني على الاطالة بس انتي قلبتي فيني المواجع وذكرتيني بتجربتي اللي مريت فيها ...


    حبيبتي نسيت اقولج ان بعد الولادة وبعد الاربعين اكشفت علي الدكتورة علشان تعرف سبب الطلق المبكر لقت انه عنق الرحم عندي قصير ومايتحمل وزن الياهل اكثر من جذي وانه طبيعي لما يوصل الطفل لوزن معين يعطي اشارة للمخ انه ولادة ويبدي الطلق..والحل انه في حملي ثاني سويت ربط من الشهر الثالث والحمدلله كملت للتاسع وفتحوا لي الربط ومليت على ماولدت بعد:42:
    الحمدلله على كل حال..
  3. @v_i_b

    مشتاقة للاهل
    الله يكتب لها اللي فيه الخير وانتي هوني عليها اذا الله سبحانه وتعالى اراد شي ان يقول له كن فيكون واذا فيه خير لها بيبقى بقدرة قادر .

تابعي تجارب أخرى من هذا القسم.