جامعة الملك عبد العزيز بجدة(إنتساب)اللي يخصها الموضوع تتفضل

ونسيت اقولك انه في منتديات خاصة بطلاب وطالبات الجامعة
نستفيد منها في تبادل الملخصات ونماذج لاسئلة الاختبارات واخبار المحاضرات ممن حضرو الدورة .

http://www.kaau.org/forumdisplay.php?f=3

http://www.ksa-uvi.com/UniversitySummaries.htm

http://www.skaau.com/vb/forumdisplay.php?f=24

http://www.ksau.info/vb/forumdisplay.php?f=5

تشاااااااااوو

شكرا لك يا اخت دوجا من كل قلبي وتمنياتي لك ولجميع الطلاب والطالبات بالنجاح والمعدل الزين........
شكرا على المعلومات الي حطيتيها انا قريتهم بموقع الجامعة وبمنتدى الطلاب والطالبات..........


ما قصرتي مشكورة .............
بس انا كان بودي تقولين لي اكثر عن دراستك.....تشوفيها صعبة والا سهلة يعني بحكم انو عندي ضروف وعندي طفل ممكن امشي والال يبيلها تفرغ كامل وهل تحتاجين انك تتابعين مع مدرسة خاصة والا ممكن يمشي الحال بدون مدرسة؟؟؟؟؟...............................................


انا ما احب الرياضيات والاحصاء يا ترى ممكن امشي فيهم..........
يا ريت تكملين جميلك معاي وتجاوبيني على استفساراتي



وشكرا مرة ثانية

هلا عزيزتي

بالنسبة للدراسة مررررررررره ممتعة بالذات بعد ماتركت الدراسة بعد تخرجي من الثانوية 18 سنة
وانا مثلك عندي ظروف اقوى منك في السنتين الاولى من الجامعة كان عندي ثلاث بنات ووالكبيرة منهم تعبانة ( مريضة ) وكان يبغالها اهتمام زايد وكنت باشتغل ومشيت حالي فيها وكانت كلها المواد العامة رياضيات واحصاء واقتصاد جزئي وعلشان ظروفي كنت اخذ في كل سمستر مادة علمية والباقي نظري والحمد لله عديت وانا الان في السمستر الخامس .
ونصيحة مني لا تخلي ظروفك توقف في طريق دراستك .
وفي السنة الثالثة حملت ببنتي الرابعة سحبت ترم لان الاختبارات كانت بعد ولادتي بشهر ولا كان عندي استعداد ادخل الاختبار وكملت هذا الترم ونزلت مادة المحاسبة مع اني كنت متخوفة منها بس الحمد لله طلعت المادة حلوة ويبغالها تركيز وحل تمارين باستمرار .
مع العلم اني ما كنت احضر الدورات ( هذا اول ترم احضر الدورات فيه )
وكنت اذاكر بنفسي واخذ الملخصات من بنات تعرفت عليهم اول ترم وصرت اصور المحاضرات
واذاكر منها وبالنسبة للرياضيات ابدا مو صعب لانه رياضيات المتوسط
اما الاحصاء تعبر مادة جديدة علينا بس انتي اعتمدي على حفظ القوانين صم وراح تعدين باذن الله
وباقي المواد النظرية تقدرين تذاكرينا من غير حفظ لو قراتي الملخصات او الكتاب بتركيز وافتكر انه عدت علينا مواد بس نقرا الكتاب مرة وحده ونروح نختبر ولا خلصنا الكتاب من قرايته
لانه نظام الاسئلة في اغلب المواد النظرية صح وخطا واختاري وبعض الاحيان وصّلي .
وعلى فكرة اعرف بنات من الرياض والجوف وتبوك تعرفت عليهم هذا الترم من منتدى الجامعة
وماشاء الله عليهم ما حملو اي ماده معاهم ولا كانو يحضرون المحاضرات ولا شيء بس يجون وقت الاختبارات .

اتمنى ما اكون طولت عليكي واذا في اي استفسار انا حاضرة .
تحياتي للجميع

يا حياتي يا دوجا شكرا على اهتمامك بالاجابة على اسالتي.........انا متحمسة بس حماسي يخف بعض الاحيان زي ما قلت اول بسبب الظروف بس بعد الكلام اللي انتي قلتيه...........رفعتي معنوياتي مرررة


بس من اشكرك

جزى الله الأخوات كل الخير
ودعواتنا لصاحبة الموضوع بالتوفيق والخير ولجميع الأخوات

الأخت دوجا


الف شكر على مساعدتك وطيب قلبك وردودك الرائعة ...
ويا هلا بك :26: