شوفي قماشي واختاروا لي الموديل

هاااااااااي صبايا اشلونكم

شريت لي قطعتين قماش حرير ادري ان الوانها مب من الموضة لكن شفتهم وعجبوني

خاصة ان ما عندنا مناسبة معينة لكن قلت تدرون الزواجات كثيرة بالصيف ولازم افصل

المهم انا احترت بالموديل حق القماشين بس اخترت مبدئيا موديل حق القماش الاول

وهذا هو الموديل





والقماش اللي بفصله على هالموديل هذا





وهاذي الورود الصغيرة قلت بخلي الخياط يقصها وبخليها سيور الكتف وتحتها قماش حرير سادة فستقي يكون جبانيز وش رايكم لان ما ابيه عاري مرة


طبعا انا باعكس الاقمشة اللي بالموديل يعني باخلي المشجر هو الغالب والشك اللي حاطينه

بخليه يكون حرير سادة فستقي وش رايكم بيطلع حلو والا لا:(

برجعلكم واحط صورة القماش الثاني اللي معذبني لاني مالقيت موديل له مناسب تعرفون

هو مشجر وما يبغاله موديل مكلف وياليت اللي عندها فكرة او صورة موديل يكون

حلو وفخم تحطه الله لا يهينها

16 تعليق 1,701 مشاهدة

شاركي في النقاش

سجلي الدخول لإضافة تعليق.

التعليقات

16
  1. @sbaya_stor

    عندي راي بسيط ليه تعكسين الموديل انا شايفته كذا احلى الشك بسيط خاصه وانك ماحتلبسينه في منابه تخصك ...ونشوف بقيه الاراء
  2. @baad_dnyth

    بصراحه :

    الموديل مره مره عجبني مو من قدام من وراء من قدام حسيته حايس شووووي يعني لو تخففين الحركه بيطلع احلى وتتركين الموديل يصير بس من وراء يصير مره حلو ..

    لان حركة الفستان مره شدتني ..

    بس ماادري اذا بيبان الموديل على قماشك والا لا لان قماشك مو ساده بس الحركه الي من وراء يمكن توضح ..

    عالعموم انا راح انتظرك وش تقررين واذا فصلتي الموديل قولي لي كيف طلع لاني بصراحه حطيته ببالي من وراء بسويه ..

    الله يوفقك وتطلع فساتينك حلوووه والكل ينجن عليك وتصيرين نجمه الحفلـ ..

تابعي تجارب أخرى من هذا القسم.