تجمع جديد لمواليد يناير وفبرايرومارس 2008.. >> يرجى الانتقال إلى ملف جديد

الله يجزاك خير.............

صباح الخير بنات

معليه ماقدر ارد عليكم وحده وحده تعبانه حدي

كيفكم(كلكم) ان شاء الله بخير؟؟

انا بموت من الغثيان واصل حده موراضي يفك عني دقيقه

غير اللآم راسي وجسمي متكسر

حبيبتي بنت قطر..


اولا الله يشفعلك بالجنين اللي فقدتيه بس ترى يمكن صدفه لان ماشاااااءالله كثير اعرفهم مايجيهم وحم الا نوم بس وعيالهم يهبلون لااله الا الله وصديقتي ياقلبي كانت ماتحرك من بيتها من زود وحامها ومات طفلها بنهاية الثالث .

الله يطمنا جميعا يارب.

واذا كلامك طلع مضببوط من ناحية الثقل فالمفروض ان اللي ببطني ولد. انا من ناحيتي ماافضل جنس معين . الله يحسن خَلقهم وخُلُقُهم وخِلقَتهم

صباح الخير
شخباركم بنات
شلونك كلام العيون ,,,انتي ليش تسوين كذا وتشربين بنادول,, اذا انتي حامل هذا واجد يضرك ومويه حاره بعد مايصلح اختي,,,
انا اليوم افضل خف النزيف الحمد لله ,,

انتو شلونكم :) :)

بنت قطر شلونك اختي..
حلو انك سمعتي نبض البيبي
انا رحت وكنت بالاسبوع السابع بس ماسمعت نبض .. هل هذا طبيعي.. انا اتكلم من على البطن ,,

بنات ابغى اسالكم ..عن نظامكم الغذائي ..قريت انه فيه اشياء ماتصلح للحمل بالاشهر الاولى مثل الكبده والجزر والخيار والمنجا والاناناس والكيوي هل هذا صحيح ,,قريت بعد ان الحديد مايصلح ببداية الحمل ولا فيتامين أ,, انا خفت لاني بسبب النزيف صاروا اهلي يأكلوني كبده يقولون تعوضين الدم اللي تنزفينه وانا من حملت وانا احس اني احب اكل الجزر والخيار ,,تكفون طمنوني والا هذا بس كلام انترنت مو صحيح..
ابغى اعرف اذا عندكم نظام غذائي للحوامل شهر بشهر ..انا حامل اول مره وماعرف شي

شكرا خواتي