شاركي في النقاش

سجلي الدخول لإضافة تعليق.

التعليقات

27
  1. عادي لو قال ابيتأخر..مو يقول دقيقة واجي وهالدقيقة تصير ساعتين....... لو يقدر اللي يواعده ماقال له بجي الحين وخلاه ساعتين ينتظر...... على الأقل يدق يقول صار عندي شغل وبتاخر..مو يخلي الواحد يموووت من الانتظاااار..

    انا دقيقة في المواعيد وما احب اللي يتاخر ..
  2. ما ازعاعله ولا امد البوز بس اساله اليوم تاخرت عسى المانع خير بيقولي كنت هناك ولا هناك وعادي امشيها بس المهم احسسه اني مهتمة
  3. @alf_lyl_1

    طيب تخيلي رحتي زواج صديقتك او قريبتك وطبعا تعرفون الاعراس الين الفجر يعني تاخير وتجي وتلاقي زوجك مد بوزه هل ترضين بمعنى اننا نحنو نتحكم في الرجال بس ما نبغى حد يتحكم فينا وذا غير خرجتك عند اصدقاءك واصحابك وقرايبك فلازم انو ما نتعامل مع الرجل على انه سجين ونتحكم فيه فوتوا شوي
    وممكن تلمحي بان هذا الشي يضايق بس ماتقلبيها هم
    وممكن وقت ما يتاخر تتجهزي وتلبسي وتسوي مكياج علشان ما يحس انه كل ماتاخر عارف انه يجي ويحصل وحده بوزها شبرين ومنكده عليه
  4. بصراحة اتمنى زوجي يطلع اربعة وعشرين ساعة مرابط ويوم طلبتة يشترك بنادي عشان اقدر اخذ راحتي الحمد لله سرت احصل وقت ارتب وانيم العيال يعني افضل انة يطلعمن انه يرابط لكن موكل يوم لالالالا
    وحدة من صديقاتي تقول زوجها جاتة فترة ادمن السهر بالليل وطفشت من هالاسلوب وتقول كل مرة اناقشة ونعصب ونزعل وبعدها سارت تطنش واذا تطلب منة يوديها لصديقاتها مايجيها الاالساعة 3 بالليل وتقول انحرج وماعاد\ راحت لاحد المهم تقول يوم خطر ببالي اني البس فستان ملكتي والديكورات ال كانت بملكتها كانت عندها ونيمت عيالها وسوت الديكور بالمقلط والصالة بمدخل الرجال وسوت جاتوة صغير وعصير وشموع وتقول دخل اخر الليل الساعة 3 كالعادة الاوانا حاطة لافتة كبيرة على المدخل وكاتبة اهلين حبيبي انت معزوم على سهرة مع عشيقتك وكاتبة اسم الدلع حقها وتقول جبت البشت حق ملكتة ولبستة واخذتة بيدة ودخلتة المقلط وقدمت العصير مثل ماقدمتة يوم الملكة طبعا انهبل الرجال واعتذر منها ومن يومها صار مايطلع الامرة اومرتين بالاسبوع واغلب الوقت يسهر هوة وهي مع بعض

    الفائدة من هدرتي كلها انكم لابد تكسبون ازواجكم وبلا زعل حياة وبعدها موت اهم شي الاخلاق ووساعة الخاطر ويازينة برى ولاجالس معاك بس ينتقد لبس العيال وطريقة ترتيب وقتك وهو مرابط على الكمبيوتر
    شعاري
    فكة من الرجال خلني اشوف حياتي

تابعي تجارب أخرى من هذا القسم.