النقاب والحجاب في الدول الاجنبيه

السلام عليكم والرحمه
انا واصله بوسطن من اسبوع كنت البس عبايه سودا ونقاب اسود بس الكل يطالعنى اللى خايف واللي مستغرب واللى يضحك علي بعدين لبست غشوه كامله على وجهى الا زاد استغرابهم
امس كنت بالمول وشافني واحد ويا زوجته الزوجه يوم شافتنى هربت بس جانى الضحك عليها:hahaha:
بس شكلى بارجع بلبس النقاب ابرك لى ................................................

اللهم ثبتنا على دينك

السلام عليكم أنا أعيش في بريطانيا وارتدي النقاب أحيانا البس مثل حجابي في السعوديه وأحيانا عباءة سوداء وغطاء ملون الحمد لله لم أجد اي مضيقات أحيانا أجد نظرة أستغراب لكن هذا شي عادي ومثل ماقالت أختنا صوت في الغربة والله اني أشعر بالفخر والعز لما أمشي بكامل حجابي في بلاد الكفر وأخيرا هذه نصيحه لكل أخواتي المغتربات عباءتك عبادة تتقربين فيها الي الله وتبتغين الاجر و تمسك بحجابك دعوة الي الله أسال الله لنا ولكم الاجر

السلام عليكم ورحمة الله وبركاته؟؟؟

انا في استراليا ولله الحمد منقبه والبس العبايه السودا مثل لبسي في قطر..
بشكل عام مافيه مضايقات منهم...بس الاطفال دايم تسأل اهاليهم لمل يشوفوني والعجايز الكبيره جدا يخافون وبعضهم يصرخون خخخخخخخخخ..أخاف اسبب لهم سكته قلبيه واذبحهم..

وفيه موقف كان غريب بالنسبه لي....مره كنت في مكتبه اشتري اغراض مر علي طفل عمره يمكن 5سنوات طالعني وكمل يمشي ولا كأنه شاف شي غريب...وصادفته مره ثانيه بعد كم دقيقه وكان مع امه وسمعته يقول لها ماما شوفي a moslem girl فتاه مسلمه....ماشاء الله عليه شكله مثقف

انا في امريكا ولله الحمد مجحبة والبس عبايه لونها غامض (افضل الكحلي دائما ) كان الوضع اول ما وصلت مربك شوي لاني كنت اول سعودية تدرس الظاهر بالجامعة وهي محجبة وبالعباة لكن الحمد لله ما صادفت اي مضايقات الا النظرات والان بداوا يتعودون علي خخخخخخخخخخخخخخ
بس مرة طفل عمره 8 سنوات قال عني طالعة من مستشفى المجانين :) ومرة وحدة عجوز تحسب اني لابسة العباة لاني بردانه فقالت لي الجو حلو اليوم :42:
المشكلة اللي معكرة مزاجي هو ان الجامعة بدات تستقبل بعض الاخوات السعوديات وللاسف لبسهم لبس امريكيات بس مغطين شعورهم , يعني معظم الاحيان ببنطلون وبلوزة كمها طويل لكن اما ضيقة او شفافة او بالوان ملفتة ,
حاولت نصح وحدة منهم ردت علي برد يسم البدن ولا كانها جايه من بلد الاسلام يعني المفروض نكون حنا القدوة :09:
و لي صديقات امريكيات بدات اعلمهم بعض الامور في الاسلام زي ليش البس عباة وعن رمضان وعن الحج احاول ان احببهم في الاسلام لكن لما جوا ذو البنات الله يهديهم خلوا الامريكيات يشكون في كلامي :(
المشكلة الادهى والامر ان البنات متزوجات :44: يعني حتى غيرة الرجال على حريمهم اختفت
لا حول ولال قوة الا بالله
اللهم ثبت قلوبنا على دينك وثبت اقدامنا على الصراط يوم الحساب