ياريت اللتى تعرف طريقة الرز بالشبت والباقلا على الطريقة الايرانية .. جزاكم الله خير

السلام عليكم:
الله يخليكم بنات حواء اللى تعرف الطريقة تكتبها لى وادعو لها من كل قلبى لانى مشتهيتها كثير بعد ان تذوقتها من عائلة ايرانية وكان طعمه يجنن ولاحظت فى طعمه ماء الورد:21:

4 تعليق 2,366 مشاهدة

شاركي في النقاش

سجلي الدخول لإضافة تعليق.

التعليقات

4
  1. @byt_alaaz

    السلام عليكم

    عزيزتي انا عندي طريقتين وان شاء الله يعجبونك

    الطريقه الاولي وهي طريقه امي الله يطول عمرها ويشفيها

    تسلقي الرز عادي وتصفينه

    وتكوني فارمه كميه من الشبت طبعا بعد تنظيفه جيدا لانه متروس رمل بعض الاحيان

    وتكوني سالقه الفول الطازج شوي بس.. ويمكن عمله بالوبيا او الحمص اليابس

    وبعدين تحطين طبقه من الرز وطبقه من الشبت والفول .. جربيه بالوبيا اليابسه عجيب

    وفي الاخير سخني قليل من السمن او الزبده او الزيت الي تحبيه وحطي شويه هيل مطحون وصبي عليه فجان ماء وماء ورد بس انتبهي وانتي تصبي الماء علي الزيت ..ومن ثم رشيه علي الرز وخليه علي نار خفيفه حتى يتنشف.

    الطريقه الثانيه وهي :

    بصله متوسطه مفرومه ناعم تقريبا
    ربطه شبت
    فول
    قليل من الزبده

    وطبعا رز

    الطريقه :
    سخني الزبده وحمصي البصله شوي حتي يصير لونها ذهبي ثم اضيفي الفول ويمكن انت تقشريه قبل استعماله علي كيفك بس انا اقشره لان زوجي ما يحبه بالقشره

    وحركيه شوي مع البصل ثم اضيفي الملح والبهارت واهم شي الكمون ونص كميه الشبت
    وثم اضيفي الماء علي حسب كميه الرز.. وتركيه حتي يغلي ثم اضيفي الرز وقبل ما ينشف الماء اضيفي باقي الشبت وحركيه زين ولاحظي الماء اذا يحتاج زياده وعندما ينشف رشي من فوقه شوي هيل وزعفران منقوع في ماي ورد ومن ثم غطيه زين وتركيه علي نار هادئه .. وان شاء الله تعجبك احدى الطريقتين واذا عندك اي سوال او استفسار تراني حاضره وبالعافيه

    اعتذر لان ما عندي مقادير .. ولك تحياتي
  2. @ana_mslmh_okl_fkhr

    وهذي طريقتي

    تقريبا مقاربه للطريقه الثانيه لبنت العز

    المقادير

    بصل مفروم

    شبت حسب رغبتك مفروم فرم ناعم

    فول طازج ( باجلا ) يقشر ويقسم قسمين يعني الحبه نفسها فكيها

    ورز حسب الكميه الي تحبينها

    وزيت وشوي سمنه

    الطريقه

    حطي الزيت والسمنه ولما يبدى يحمى حطي فوقهم البصل وحمسيه الين يصير بني اللون

    بعدين حطي عليه الفول واحمسيه شوي

    بعدين حطي الشبت واحمسيه زين الين تشمين رحته روعه

    حطي عليه فلفل اسود وبهارت مشكله وملح وكمون والكميه حسب انتي ماتحبين

    واخر شي حطي الماء واتركيه يفور

    تكونين غسلتي الرز حطي فوقه واتركيه يستوي زين

    جهزي جنبه دقوس كويتي مره روعه يصير

    عباره عن طماطم محطون وبصل شوي وثوم شوي وصلصه وفلفل حار وربع ليمونه

    احمسي البصل والثوم بالزيت وحطي فوقه الطماطم والصلصه واعصري اليمونه

    والفلفل الاخضر الحار علب لا تفكينه عشان ما يصير حار ولو تحبينه حار اكسريها شوي

    وفلفل اسود وملح شوي

    واتركيه يتسبك وبالهناء ووالعافيه :24:
  3. أم عثيم


    ياليت تزورين ((( منيو الإسبوع لوحدة كوووووووووول )))

    راح تلقين فيه طريقه لرز الشبنت لذيذه لذيذه لذيذه بالزعفران وماء الورد


    ولك تحياتي

    :26:
  4. @am_aathym

    صاحبة الموضوع
    السلام عليكم :
    تصدقون بنات دعيت لكم من كل قلبى بعدما خلاص فقدت الامل وموضوعى نزل وماحد عبرنى:(
    لكن الحين لما شفت موضوعى وفية وصفات من احلى البنات فرحت لاننى حصلت بدل الوصفة اربعة
    بيت العز:26: انا مسلمه وكل فخر:26: وحدة كووول:26: الف شكر لكم وجعلها الله فى ميزان حسناتكم

تابعي تجارب أخرى من هذا القسم.