من شوي كلمتني صديقتي وهي تصيح من القهر
قلت انزل الموضوع هنا وشوف رايكمز
الله يسلمكم صديقتي لها سنه و نص متزوجه و الحين حامل
زوجها يشتغل بشركه بترول ودوامه اسبوعين بالبلد و اسبوعين بالحقل
وهي ساكنه مع اهل زوجها و عشان احطكم بالصوره
اخو زوجها الكبير هو المسئول عن البيت (مش متزوج)
ام زوجها مره على نياتها و سلبيه حيييييييل و خوات زوجها كل واحد عايش على نظام انا مالي شغل
وعندها اخو زوج مب متزوج صغير ساكن معاهم
البنت تقولي انه اخو زوجها وايد متحكم في حياتها ليش تطلع ليش تدخل واذا سوت شي ما عجبه يتهاوش معاها (تقولون زوجته)
وللعلم انها ما تحتك فيه كثير و تتغطى منه
بس هو كاتم على نفسها يعني طريق امه لا تخلينها و ليش تسوي و ليش ما ادري وشو
البنت تقول انا خلاص ما عدت اتحمل هو اشعليه مني انا
تقول ابي اشتكي لزوجي بس اخاف تصير مشاكل ما بينهم و كلمت ام زوجها وهي سلبيه حيييييل
تقولها ما اقدر اسوي شي
تقولون اهلها اهلها ساكنين بديره ثانيه بعني مب بعيده ساعه و هي اكبر اخوانها اخوانها الشباب صغار
و ابوها توه مسوي عمليه قسطره في القلب و راعي ضغط تقول ما ابي اغثه
و اخو زوجها هذا حتى يمنعها من انها تزور اهلها يقولها ما تزورين اهلك الا لما زوجك يجي
بتقولون وين المشكله الحين
هي ما تبي تخبر زوجها ( وانا بصراحه اشوف انها لازم تخبره صح الوحده المفروض ما تسوي مشاكل بين الزوج و اخوانه بس لما توصل لهذي المرحله المره مالها الا زوجها تخبره)
انتو شو رايكم كيف المفروض تتصرف؟
شاركي في النقاش
سجلي الدخول لإضافة تعليق.
التعليقات
33- الحمد لله اني اول وحده ترد عليك حبيبتي الله يسعدها ويعينها بعد وانتي دورك انك تهديها وخليها تكلم زوجها بس باسلوب لمن تطلع هي وياه لمكان هادي وتجيه برواقه مو كانها تشتكي لا تحاول تقول لزوجها تصدق ان اخوك الكبير حس انه زي اخوي صحيح انا مالي اخوان اكبر مني رجال بس هو رجال بمعنى الكلمه محسسني اني زي اخواته يخاف علي وهو ترى فعلا من خوفه عليها وعلى اخوه من كلام الناس يسوي كذا وخليه تخلي زوجها يوصله الكلام وانها تحترمه وتحترم رجولته هو صحيح ما له دخل فيها بس هي في بيته وهو المسؤل يعني هو يبي يحس ان كلمته هي الماشيه ياختي خليها ترضي غرور الرجل والطفل اللي بداخله تراهم الرجال يحبون اللي يكبر روسهم وخليها تقول لزوجها اذا ودها تزور اهلها انه تخليه يقول لاخوه ترى فلانه بتروح عند اهلها بيمرةنها اهلها ولا اذا ما عليك كلافه ودها نت وشوفي اذا ما وافق هو ما يسوي كذا الا عشان اخواته ما يطلعون على كيفهم ويقولون اشمعنى مرة اخوك ما تقولها لا وعلميني ايش يصير معها الله يهدي سرها :26:
- انا اشوف انها لازم توقفه عند حده وتقول لزوجها وتقوله عن تصرفات اخوه والمعامله السيئه اللي يتعامل فيه معاها وتقول لزوجها انا تزوجتك مو اخوك علشان يامر فيني وينهي على كيفه وان مالاحد كلمه عليها غير زوجها ولازم يفهم اخوه هذا الشي اما اذايبغى يامر فيها وينهى علشان اخواته مايطلعوا من شوره فهي مالها دخل يتعامل معاهم زي مايبغى ويخرجها برى الموضوع واذا اخوه بيجلس يتمادى يصير بغيابه يوديك لاهلك وترتاحي من مشاكله شكله انسان متسلط خلي يزوجوه علشان ينشغل عنهم ويلتهي بزوجته وعياله.........
- اخو زوجها ماله امر عليها وإذا تبغى تعمل شي تاخذ اذن زوجها ولا عليها بأخوه
- كلام جميل
بارك الله فيك - المفروض اذا غاب زوجها وخاصة اسبوع وهذي فترة طويلة تروح عند اهلها ويادار مادخلك شر
مواضيع مشابهة
تابعي تجارب أخرى من هذا القسم.