زوجي أصغر مني

مدام تحبون بعض ومابينكم مشاكل وهو ماخذك الا وهو مقتنع فيج.. وهذا ربيعتج مب صديقه الي قاعده توسوس لج .. انصحج لا تاخذين بكلامها او لا تكلمينها اصلا المفروض ماتقولج هالكلام الي ماوراه غير خراب بيوت.. واهم شي انتي اذا مرتاحه وياه ولا عليج من كلامها.. والله لا يفرق بينكم ويديم المحبة

حبيبتي مايهم العمر اهم شي انه فاهم وعاقل ويحبك صدقيني ماراح يأثر على علاقتكم شي ولايهمك كلام صديقتك ماراح تستفيدين شي هذا زوجك وأبو عيالك والله يخليكم لبعض ويتمم عليكم

ليش الصغير شو ناقصنه قلب ولا عقل ؟
مب شرط شي رياييل كبار فالسن وتصرفاتهم تصرفات مراهقين وكل ما كان الريال اصغر في زمنا كل ما كان فاهم الدنيا اكثر مب جاهل, وربيعتج هاي شكلها تغار فخاطرها, مستغربه كيف تزوجتي واحد اصغر عنج يعنى هو مقتنع فيج ويباج انتى ويحبج اكيييييييييييد غيرانه
لا تخلينها تأثر عليج وتخربين حياتج بأيدج .خالتي متزوجه واحد اصغر عنها تقريبا نفس الفارق اللي بينج وبين ريلج ومع انها مطلقه واهلها واهله رفضوا بس مدلعنها دلع وخذها عن اقتناع.

حبيبتي مايهم العمر اهم شي انه فاهم وعاقل ويحبك صدقيني ماراح يأثر على علاقتكم شي ولايهمك كلام صديقتك ماراح تستفيدين شي هذا زوجك وأبو عيالك والله يخليكم لبعض ويتمم عليكم
حده من جمعتنا زوجها اصغر منها 10 سنين والله ان حياتهم ما شاء الله مره زينه ومتفقين مع بعض

معليش انا محب اكتب وجهة نظري في بعض الاحيان لاني اخاف اني اخرب بيت بعض الاخوات لكن انتي الان تقولين انك مبسوطه ومرتاحه اتركيها ولاعاد تكلميها صدقيني بدون لف ودوران هي غيرانه منك بشكل ملفت عيشي حياتك وانبسطي ولاتنسين انه ماخذك برضاه وبرغبته وانتي نفس الشئ لاتهدمي بيتك بنفسك علشان ترضى والله يكفيكم شر الحاسدين..