شاركي في النقاش

سجلي الدخول لإضافة تعليق.

التعليقات

11
  1. @wt_ever

    تبين نصيحتي ... الواحد اذا كض عمره يعني حاول يبدى بدايه كبيره و مليون شغله ما بيقدر يسوي شي .. يعني لا تقولين اريد كل شي .. أنا خذت لي خمس سنين بعد ما تزوجت قبل ما اخيرا اتقبل الايلينر و الاقي رسمه تناسب عيني الغريبه .. و احب المكياج البسيط جدا روج و مسكره .. بعدين شوي شوي صرت اضيف شادو لون بعدين لونين شوي كحل بعدها ايلينر و بلشر الخ ...

    فانتي لا تبدين من اولها كل شي لا و غالي بعد .. لانج في فترة تدريب ابدي بالماركات المتوسطه و شوي شوي نصيحه و كل ما اتقنتي شي خذي نوع افضل ..

    بعطيج لسته بالاشياء الي استخدمتها و حبيتها .. و انا بشرتي مثلج مختلطه دهنيه و مش صافيه ..
    أحلى شي تستخدمينه لبشرتج هو مقشر المشمش من سانت ايفز اظن هذا اسمه



    تلاقينه في السبرماركت انا اخذه من كارفور رخيص و رهيب و على فكره تراه مشهور و ماخذ جوائز ..

    و خذي لج مرطب من بودي شوب مثلا .. انا ابدل كل فتره مرطباتي و غالبا طبي من الصيدليه . المهم يكون خفيف ما يدهن ويهج

    ..

    بالنسبه للمكياج ما انصحج تاخذين غالي .. فيه موضوع عن الماركات الوسط من نوعية ريميل و ماكس فاكتور دشيه و شوفي شو يمدحون .. و خذي اول شي بس كحل و مسكره و روجات و بلشر و الشادوز اختاري الالوان الطبيعيه وردي برتقالي بني .. يعني الوان ما يحتاج لها تفنن
    .. لا تدخلين في سوالف الإضاءه و العفسه ترا حتى الشاطرات يالله لين يتقنن هالاشياء

    اذا متوفره رد ايرث عندكم خذي من عندهم خاصه الغلوسات روعه و رخيصه .. و الشادوز و الروجات كله بناتي و كيوت ..
    الكحل الظاهر يمدحون مال ريميل .. و المسكره شوفي لوريال الي نصها ابيض و نصها اسود .. ولا تستخدمين الا الاسود الابيض احسه خرطي ..

    ابدي حطي مكياج خفيف من نوعية لون شادو واحد مع كحل داخل العين و شوية بلشر و روج ناعم .. و بعدين ابدي زيدي حبه حبه و جربي على روحج لين تكتشفين شالي يناسب ويهج و شالي ما يناسبه

    و طبعا لا تنسين تاخذين لج مزيل مكياج نوع زين .. و تحافظين على تنظيف بشرتج بعد الميك اب تراه يدمر البشره

    بس ارجع و اقول لا تدشين في العميق و دروس الميك اب اللي تنطرح هنا اغلبها للفنانات فلا تدشين فيها لين تضبطين المبادئ ..

    و سامحيني طولت عليج بس تحمست لج ذكرتيني بنفسي :26:

تابعي تجارب أخرى من هذا القسم.