وش ردة فعلك

اذا انتي لك اسبوع ما رحتي لاهل زوجك واتصل عليهم ولدهم وقال راح انزوركم اليوم قالت امه ما عليش تعالوا بكره مع العلم اني رسمية معهم انا عن نفسي قلت ايه هين ما تشوفيني الا بعد اسبوعين لكن زوجي يروح لهم كل بعد يومين لوكم مكاني وش لون ردة فعلكم

19 تعليق 1,099 مشاهدة

شاركي في النقاش

سجلي الدخول لإضافة تعليق.

التعليقات

19
  1. @alhmd_lk_yarb

    عادي جدا!!!!

    يمكن مشغوله بشئ وتبي لما تكونوا عندها تكون متفرقه لكم :)

    خلي روحك رياضيه ومو كل موقف تتضايقين تراه موضوع مايستحق انك تدورين ردة فعل عليه يالغاليه
  2. @nor_aldnya_16

    مافيها شي
    كل الناس تعتذر ويمكن يجي يوم وتقول بتزورك وتكونين مشغوله وتعتذرين
    لازم تلتمسين العذر لغيرك
    لو انا مكانك بروح من بكره
    انا ولله الحمد اقل شي اروح لاهل زوجي مرتين بالاسبوع
    وزوجي يروح لهم كل يوم بس انا حسب وقت فراغي
    لانهم لازم يشوفون ولدهم وزوجته وعياله وينبسطون فيهم

    ولله لو كل وحده فكرت في امها وابوها وفرحتهم بشوفة ولدهم وعياله كان تغيرت اشياء كثيره في الحياة وحست في اهل زوجها حتى لو كان بينهم مشاكل

    وبعدين ليش الرسميه بينك وبين اهل زوجك صح اني ماقد رحت الا مكلمتهم بس بدون رسميه ولا ميانه زايده
    يعني اذا رحت مثل اهلي وهالشي يبسط زوجي اخذ معي شي للقهوه او الشاي واحياناً اخذ معي عشا
    ومهما كان اهم اهل زوجي وجدان عيالي
  3. @msrkaa_hanm

    عادي ياقلبي

    يعني من حقوق صاحب البيت في الاسلام الاستأذان ثلاثا << يطرق الباب ثلاث مرات >> واذا ما رد عليه صاحب البيت يرجع بدون ما يكون في قلبه ضيق او حرج

    وانتم اتصلتوا عليهم وهم ردو عليكم بأدب احسن من اللي يطلع ويخلي الضيووف او يسوي حركات مالها داعي

    ياقلبي عادي والحمدلله انكم اتصلتوا وسوي لام زوجك نفس اللي تبغين عيالك يسوون لك وحريمهم اذا كبرتي وصرتي محتاجه للاهتمام ومحتاجه لشوفتهم

تابعي تجارب أخرى من هذا القسم.