] الجزء الثاني >> يرجى الانتقال إلى ملف جديد

أنا بعد صايرة أنام على بطني من دون ما أدري أقوم آخر الليل آلاقي نفسي إما نايمة على بطني أو على ظهري وألوم نفسي كثير

السلام عليكم ياحواملنا الحلووووووووووووااااات
شلونكم وشلون البيبيات
بشوف الردود وراجعه لكم

اهلين كروشات

انا غبت عنكم فترة كنت مرة تعبانه جاني صديد بالبول وكانو بيرقدوني بس انا رفضت لان عيالي

ماعندهم احد يجلس معاهم لاني انا بمنطقه واهلي بمنطقه فسوو لي قصدرة بول بالبيت يومين

وانا اسحب في الليات لكن الحمد لله على كل شي والحبوب كنت استفرغها فصرفو لي ابر مضاد

لمدة عشرة ايام والحين لله الحمد والمنه تحسنت ورجعت لكم

وسويت بالمستوصف اشعه صوتيه وقال لي نامي على بطنك لمدة شهر مع العلم اني بالشهر الرابع

والسبب يقول الجنين صاير بظهرك بس كلامه ما اعجبني ولا وثقت بكلامه وبروح للمستشفى اتاكد

تعرفون الدكاترة المصريين يكبرون الشي وهو صغير لاني قبل كنت اراجع عند سحر ملودي سعوديه

استشاريه وتقول كل شي تمام بستنا موعدي الجاي واسالها والله يكتب مافيه خير ...

( قلت لكم قصة حياتي بس اذا احد فاقدني هاذي السالفه )

دلوعه نان......... الحرقان للحين معاي جربت كل شي مانفع ...يروح شوي ويرجع
انتظر بس موعدي مع الدكتوره في 25/6 عشان اقول لها توصف لي شي يريحني

مس ميوزك ...لا تخافي حبيبتي بخصوص الدم خصوصا وانه بعد عمليه ربط ..اهم شي ارتاحي
وماله داعي الشغل ....ويارب تفرحين بشوفه الطفل
وبخصوص الوحم والترجيع امس رجع لي هالشي وانا الحين نصف الرابع ,,,,سألت حريم في عايلتنا
قالوا عادي بس يكون اخف عن قبل وفترات بعيده

دلع ...مشكوره اختي على السؤال ,,,ودكتورتي شاطره وحبوبه وماودي افارقها مادري اخذها معاي قطر هههه...وبالنسبه للتسوق في باريس قلبي معورني لما اشوف ملابس الاطفال ...شكلي
باخذ لي قبل لا ارجع الدوحه يمكن راح اكون الشهر السادس...الله كريم
وجنس الطفل مايبين الا في الاسبوع ال20 لانه الاعضاء في البدايه تكون متشابهه وتتغير بعدين

Ameerh-770 مبرووووك انتهاء الوحام ومبروك دخولج الرابع ...الله يتمم لج على خير
وعن الاحساس انا احساسي انه ولد ...بس انا ابغي بنت ...كل اليهال عندنا صبيان وخاطري ببنت ادلعها
وملابس البنات عندنا روووووعه
ربي يجيب الي فيه الخير

بخصوص الكرشه ...انا بينت معاي من الشهر الثالث ...وناطه من فوق صوب المعده ومن تحت
والتنانير ضاقت مافي غير نلبس جلابيات تطريز في شوارع باريس هههههههه

تلميذه الايام ...انا زاد وزني كيلو واحد ...الشهر الثلاثه الاولى مافي شهيه وترجيع
بس الحين الشهيه انفتحت على مصرعيها وصايره سنفور اكووووول
وعن التشققات احسن شي زبده الكاكو حقت البودي شوب

دراقه ...شلونج اختي على سؤالج عني :)
وانشالله ترجعين من الامتحانات وانتي موفقه وجايبه امتياز

ديما 111 حمدالله على سلامتج اختي وربي يعوضج خير انشالله اهم شي ارتاحي
واعرفي نوعيه الاتهاب عشان اذا احتجتي مضادات او علاج للمره الجايه انشالله

مون ومون سلامتج اختي من الامساك ....انا مثلج ونفع معاي عصير البرتقال
وملعقه زيت زيتون على الريق ...والتمر للحين فيه امساك بس خف عني بدرجه كبيره

الاحلام الورديه ودغبوجه قمر ......نور الملف بوجودكم وحياكم الله

مسلمه ومسالمه ...سلامتج من ضيقه النفس ...شوفي الحمل لوحده يسوي كذا
وبعد الربو يزيد ...فاخذي الفنتولين البخاخ(موسع الشعب الهوائيه)وبس مامنه خطر واسالي طبيب
عشان تتاكدين اكثر

شابوره سمسم سلامتج اختي من الاتهاب وسلامه البيبي
وروحي حق طبيبتج احسن لانه كلام الدكتور مب معقول الصراحه..الجنين صاير بالظهر ؟؟
شنو يعني الرحم رايح الظهر؟يقهروني الدكاتره الي يبون يتفلسفون على حساب مرضاهم
ولا يقهرني الى الي قول حق الوحده عندج ماي بالعظم :confused:
شدعوه شجره ياريتهم يسكتون بس
ومره ثانيه سلامتج اختي

العطر الدافئ ...شلونج حبيبتي وحشتينا ....
وبخصوص النوم على البطن انا اتوعى من النوم وانا نايمه نصف بطني :)
ومارقد مرتاحه ...هذا واحنا تونا بالحمد ......الله كريم

كيف الكركوشات الحلوات عساكم بس متذكريني لاني غايبه من مده عن الملف بسبب النفسيه الزفت او خلل في النت
كيفكم طمنونا عنكم ان شاء الله كلكم طيبين