في البيت وحش !!!!

السلام عليكم ورحمه الله وبركاته
كيفكم يابنات حواء
بسراحه انا عندي مشكله وحاسه ان المشكله كل يوم تكبر زياده
فالله يخليكم الي عندها حل ولو بسيط لاتبخل عليه
انا ولدي عمره 3سنوات بتمام ومن يوم عمره سنه ماشاء الله عليه ماكان يخاف من شيء
لارجال ولاحشرات ولاحيوانات لدرجه في خلال السنتين إلي فاتت امتلك سلحفاه وكتاكيت واسماك
صغيره ويرعاها المهم ......
من فتره بسيطه اصبح يقول .....
ماما فيه عيون تطالع فيه ...وانا اقول فين ؟.....يقول شوفي هنا في الشباك :(
وجلس فتره عليها لمن يجي اليل يقول هذا الكلام
شوي اطور الموضوع وسار يقول.....
مامافيه فوق وحش ؟ وانا ااكد انه مافيه وبعض الاوقات اوديه المكان الي يدعي ان فيه وحش!علشان يتأكد
شوي سار يخاف يروح اي مكان الا وانا معاه لدرجت اكون انضف بالبيت يمشي ورايه بزبط .
شويه سار يخاف ارسله يجيب حاجه حتى لو بنهار لدرجه اني اذا اصريت عليه يبكي بحرقه
ويقول ياماما فيه وحش فيه هناك انا شفته .
واخر شي اخر شي اليوم رجع ابوه من العمل بسرعه ركض على ابوه وهوه يقول...
بابا جاعندنا الوحش ودخل الغرفه و.....صرخت انا من القهره وقلت مافيه وحش فينه انا ماشفته !!!:angry2:
طبعا سكت ودخل زوجي ينام لمن قام زوجي من النوم رجع عنده وقال ....
يابابا الوحش جاء عندنا وانت في الشغل .
انا خلاص اتجننت .....
افتكر زمان كان يشوف سبيس تون وmbc ويقول ياماما تعالي شوفي الوحش عمل وعمل
فحسبي الله عليهم دخلوا الرعب في قلب ولدي من الأفلام حقتهم .
وبعدها شلت القناتين هذي بس الوحوش ثبتت في باله .
انا مش عارفه كيف اخليه يتغلب على مخاوفه ؟لأنه سار ماينام الا ونور الابجوره مولع :09:
الله يسعدكم جيبولي حل الوضع يتطور معاه الله يهديه ويصلحه

72 تعليق 4,407 مشاهدة

شاركي في النقاش

سجلي الدخول لإضافة تعليق.

التعليقات

70
  1. @skr_mkrr

    جيبوا شيخ يقرا فالبيت ويقرا عالولد وخلي القرآن دايما شغال بالبيت

    وماتخليه يشوف افلام رعب
  2. @smara_tmara

    يمكن الولد يشوف شئ انت ماتشوفينه
    ترى الاطفال تشوف بسم الله الرحمن الرحيم
    ومادام مصر زي ما قالت الاخت اتي شيخ للبيت ولا شغلي القران ولا يمكن عنكك صور كثير او مجلات انت عاد شوفي..........
  3. @am_aydna

    صاحبة الموضوع
    سمارت لاوالله ماعندي صور ارواح معلقه والبيت دائما يكون مشغل القرأن
    بس ماادري انا حاسه انه يتذكر شخصيات الافلام وسجلها بباله
    اما انه يكون شي بالبيت مااعتقد لانه مش ملاحضين شيء
  4. @n7efa_jdn

    حبيبتي انتي ماعندك شغاله؟ترا معظم الشغالات عشان يفتكون من حنة اليهال يقولون لهم في وحش ومادري شنو ويخرعونهم عشان يسكتون
    اذا ماكان عندك شغالة فيمكن ان اهوا يشوف شي انتي ماتشوفينه..اقرو في البيت واقري عليه وحاولي تعلمينه شوي شوي شلون مايخاف
    ويمكن مثل ماقلتي شاف بالتلفزيون وتأثر.. بس دام انه يقولج هناك في وحش واليوم زارنا وحش فهالشي فعلاً يخوف
    احسن شي تقرين قران في البيت وان شاء الله مافي الا العافيه

تابعي تجارب أخرى من هذا القسم.