ادري ادري انكم جايات تركضن :42:
صلن على النبي وتعالن بخبركم السالفه من والي :angry:
الله يسلمكم عمي الله يغفر له ويرحمه ويعفو عنه تزوج خمس حرمات بالتمام طبعا مو كلهن كانن معه يعني يطلق ويتزوج واخر شئ رسى على ثلاث حريم جلسن مدتهن وحده مااتت معه ووحده طلقها وصفى على عمتي الله يطول بعمرها اصغر الزوجات وهي الوحيده الي جابت له عيال من بعد الزوجه الاولى الي جابت بنت وطلقها :)
المهم جلست مره من المرات الله يغفر له ويرحمه وعاد انا ملقوفه وكنت ابي اكتشف سر هالزواج ومن فيهن احسن << تبي ترتب نفسها لايواجهها نفس المصير
المهم سألته عن سر زواجه فقال ادور العيال اول زوجه جابت بنت وولد الولد مات والبت عايشه الله يطول بعمرها ...
قلت زين انت تزوجة خمس حريم من احسن وحده عجبتك وارتحت معاها قال احسن ثنتين الاولنيه والاخيره ...
الاولنيه بنت ناس محترمه خلوقه كريمه طيبه وقفتها عن وقفة الف رجال في الشدايد قلت مادامها كذا ليش طلقتها قال هي طلبت الطلاق اكثر من مره قلت طلبته لانك تزوجة عليها قال لا انا ماتزوجة الا من بعدها ولا وحده منهم جابت ظفرها بكل شئ هي متميزه بكل شئ ولكن الغيره ذبحتها وماخلتها تشوف قدامها ...
للعلم عمي رجال له مكانه سابقا بين القبايل فكان الناس يتمنونه زوج لبناتهم وهو كان قنوع بزوجته بس زوجته كانت تشوف الضيوف لما يزورونهم ويجووبون بناتهم وكل وحده احلى من الثانيه فكانت تتهاوش معه وتقول انت تقولهم انك بتتزوج ولا ماكانوا بيجيبون بناتهم المهم والي حصل هو الطلاق :(
الاخيره وهي ام زوجي قال هذي الشئ المييز فيها انها جابت لي عيال ولولا عيالي لكانت ببيت اهلها من زمان بس صابر علشانهم لاني جبتهم على كبر فيقول هذي ويقصد الاخيره عكس الاولنيه بكل شئ عكسها تمام التمام...
قمت قلت له بس عمتي حلوه وصغيره وانتم تحبون الحلوات والصغار قال وش فايدة حلى بدون معنى ...
الرجال مايبي جمال مصير هالجمال يذبل يبي معاني طيبه واخلاق وحرمه تكون حرمه بحق وحقيقي حرمه ببيتها حرمه بعيالها حرمه بزوجها حرمه بشكلها حرمه تقدره وتحترمه وتغفر زلته واهم شئ الغيره تمسكها وترميها عند باب بيتها لما يدخل زوجها عليها ....انتهى كلامه الله يرحمه
الحين وبعد هالقصه الي علمتكم عليها واكيد استفدتوا منها عبر مثل مااستفدت تتوقعون ازواجكم يتزوجون عليكم لو سويتوا الي قاله الشايب الله يرحمه :)
شاركي في النقاش
سجلي الدخول لإضافة تعليق.
التعليقات
41- صدق والله ................الجمال جمال الاخلاق.....
- افكار رجال زمان غير عن افكار رجال اليوم الايام هذه همهم لبسها وزينتها وكشختها وتكون جاهزه طول اليوم ويغارحتى من عياله وبإهتمامها بهم ويطالع القنوات ويقارن إلا من رحم ربي
أما زمان الزوجه هي الحرمه المهتمه ببيتها وعيالها وطبخها والشكل في الاخير عكس اليوم في المرتبه الاولى .
يعني مالنا غير الدعاء ان الله يصرف الزواج من عقولهم 
الله يرحمه ويغفر له ويرحم الميت منهم وجميع اموات المسلمين
والله يالغاليه هو قال رايه بعد ماتقدم العمر فيه وفيهم ولا بايام شبابه تلاقينه كان يطمح بالمزيونه
بس العشره والسنين تعود الرجال على الزين يصير يبي الشي الي ماينساه الي هي الذرابه والسناعه والاخلاق
موضوعك حلووووووووو تسلمين ياقمر :26:
..
.

مواضيع مشابهة
تابعي تجارب أخرى من هذا القسم.